លាហើយហ្វេនៗ! Man City ព្រមព្រៀងលក់ម្នាក់នេះទៅឲ្យ Arsenal ហើយក្នុងតម្លៃ៣០លាន

អង់គ្លេស៖ យោងតាមការចុះផ្សាយរបស់អ្នកកាសែត Fabrizio Romano គឺក្លិប Manchester City បានព្រមព្រៀងលក់ ខ្សែការពារ Oleksandr Zinchenko ទៅឲ្យក្លិបកាំភ្លើងធំ Arsenal ក្នុងតម្លៃ៣០លានដុល្លារ។

Romano ថាការព្រមព្រៀងនេះធ្វើឡើងតាំងពីថ្ងៃទី១៦ខែកក្កដា ហើយនាពេលនេះ Arsenal កំពុងចរចាពីប្រាក់ឈ្នួល ព្រមទាំងលក្ខខណ្ឌផ្ទាល់ខ្លួនផ្សេងៗជាមួយ Zinchenko ។

ឯចំណែក Man City វិញគឺគ្រោងនឹងតាមទិញយកខ្សែការពារ Marc Cucurella ជាគោលដៅចម្បងមករួមក្រុមជំនួសគេ។

គួរបញ្ជាក់ផងដែរថា ខ្សែការពារ Oleksandr Zinchenko បានចូលរួមជាមួយ Manchester City តាំងពីឆ្នាំ ២០១៦ ដោយគេបានបង្ហាញខ្លួននៅ Premier League បាន២០ប្រកួតនារដូវកាលមុន៕