លោក Wenger ជ្រើសរើសកីឡាករឆ្នើមជាងគេរវាង Ronaldo និង Messi

December 31, 2022

អឺរ៉ុប៖ លោក Arsene Wenger បានប្រៀបធៀប ខ្សែប្រយុទ្ធ Cristiano Ronaldo និង Lionel Messi ដោយបាននិយាយថា Messi ជាអ្នកញ៉ាំងការប្រកួតឲ្យកាន់តែសម្បូរបែប ឯ Ronaldo គឺជាកីឡាករបាល់ទាត់ចំតួតែម្ដង។

ខ្សែប្រយុទ្ធ Lionel Messi និង Cristiano Ronaldo

Messi និង Ronaldo តែងតែត្រូវបានគេលើកយកមកប្រៀបធៀបគ្នា ដោយសារអ្នកទាំងពីរបានបង្កើតសមិទ្ធផលប្រដំប្រសងគ្នា និងមានសមត្ថភាពលើសកីឡាករដទៃនៅលើទីលាន។

ខ្សែប្រយុទ្ធ Cristiano Ronaldo និង Lionel Messi

យ៉ាងណាមិញសម្រាប់លោក Wenger វិញគឺលោកបាននិយាយថា៖

ខ្ញុំនិយាយជារឿយៗថា Cristiano Ronaldo គឺជាប្រភេទអត្តពលិកបាល់ទាត់។ ហើយ Messi គឺប្រៀបដូចវិចិត្រករ ធ្វើឲ្យការប្រកួតកាន់តែសម្បូរបែបនិងមានន័យ។ នេះជាភាពខុសគ្នារវាងពួកគេទាំងពីរ។ អ្នកខ្លះចូលចិត្តអ្នកនេះ អ្នកខ្លះចូលចិត្តអ្នកនោះ។ នៅពេលពួកយើងចូលចិត្តការប្រកួតគឺ ពួកយើងស្រលាញ់វិចិត្រករ ព្រោះគេមានភាពច្នៃប្រឌិតដែលធ្វើឲ្យអ្នកស្វែងរកអ្វីដែលអ្នកមិនធ្លាប់បានឃើញ។ ខ្ញុំមិនបដិសេធពីគុណភាពរបស់កីឡាករសញ្ជាតិព័រទុយកាល់នេះទេ។ ខ្ញុំជឿថាបាល់ទាត់គឺវិវត្តន៍ទៅរកស្ទាយ៍លេងបែប Ronaldo ប៉ុន្តែនោះមិនបានមានន័យថាយើងត្រូវបោះចោលការច្នៃប្រឌិតរបស់វិចិត្រករនោះទេ។ វាធ្វើឲ្យការប្រកួតកាន់តែអស្ចារ្យនិងស្រស់ស្អាត។
— លោក Arsene Wenger

ប្រភព៖ sportskeeda

ដៃគូរសហការ One Football

អានបន្ថែម