អស់និស្ស័យហើយ! កីឡាករ Chelsea ម្នាក់នេះ ត្រៀមចែកផ្លូវជាមួយក្លិប បន្ទាប់ពីផុតកុងត្រា

អង់គ្លេស៖ ខ្សែបម្រើ Jorginho ត្រូវបានគេរាយការណ៍ថានឹងចែកផ្លូវជាមួយក្លិប Chelsea នៅចប់រដូវកាលនេះ។

​កុងត្រារបស់កីឡាករសញ្ជាតិអ៊ីតាលីរូបនេះនឹងអស់សុពុលភាពក្នុងការស្នាក់នៅទឹកដី Stamford Bridge នៅចប់រដូវកាលនេះហើយ ដោយក្លិបទំនងជាមិនបន្តកុងត្រាថ្មីដល់រូបគេទេ។​

Chelsea គិតថាការបន្តកុងត្រាថ្មីដល់ N'Golo Kante និង Mason Mount គឺសំខាន់ជាងការបន្តកុងត្រាដល់ Jorginho។​

បើសិនចាកចេញពី Chelsea មែនគឺ Jorginho ទំនងជាវិលត្រឡប់ទៅលេងនៅ Serie A ឯប្រទេសអ៊ីតាលីវិញ។

​គួរបញ្ជាក់ផងដែរថា Jorginho បានផ្ទេរពី Napoli មកកាន់ Chelsea កាលពីឆ្នាំ២០១៨ និងបានជួយឲ្យក្លិបឈ្នះពាន Champions League, Club World Cup, Europa League និង UEFA Super Cup ផងដែរ៕

ប្រភព៖​ thesun