កប់ណាស់! ក្លិបយក្សនៅ អង់គ្លេស មួយនេះកំពុងដាក់សំណើនាំយកលោក Zidane មកដឹកនាំ

បរទេស៖ យោងតាមការចុះផ្សាយរបសសារព័ត៌មាន El Nacional បានឱ្យដឹងថា, ក្លិបតោខៀវ Chelsea កំពុងដាក់សំណើចង់នាំយកវីរបុរសរបស់ Real Madrid លោក Zinedine Zidane មកដឹកនាំ ដោយនឹងផ្តល់ប្រាក់ឈ្នួលឱ្យខ្ពស់បំផុតក្នុងពិភពបាល់ទាត់។

ជាការពិតណាស់ បន្ទាប់ពី Chelsea បណ្តេញលោក Thomas Tuchel ចេញពីតំណែង, ឥឡូវនេះក្រុមដែលមានមូលដ្ឋាននៅទីក្រុងឡុងសន៍គឺកំពុងជួបស្ថានភាពដុនដាបមែនទែន ក្រោមការដឹកនាំរបស់លោក Graham Potter ហើយបច្ចុប្បន្នកៅអីរបស់លោក Potter ក៏កំពុងតែឡើងកម្តៅខ្លាំងផងដែរ។

គួរបញ្ជាក់ថា លោក Zidane ពិតជាជោគជ័យមែនទែនកំលុងពេលដឹកនាំ Real Madrid ចន្លោះពីឆ្នាំ ២០១៦ ដល់ ២០១៨ និងពី ២០១៨ ដល់ ២០២១, ជាពិសេសសមិទ្ធិផលដ៏ធំបំផុតគឺលោកបានជួយឱ្យក្រុមអធិរាជសឈ្នះពាន Champions League ៣ សម័យជាប់គ្នា។

ហើយចាប់តាំងពីលោកបានសម្រេចចែកផ្លូវជាមួយ Real Madrid នៅពេលនេះគឺលោកមិនមានការងារធ្វើនោះទេ៕

ប្រភព៖​ Sportskeeda