អ៊េមហួស! ទើបវ័យ ១៩ឆ្នាំសោះ តែមកទស្សនាចង្វាក់លេង និងការស៊ុតរបស់ Bellingham យប់មិញញាក់សាច់(មានវីដេអូ)

បរទេស៖ ខ្សែបម្រើវ័យ ១៩ ឆ្នាំ Jude Bellingham បានធ្វើឱ្យគ្រប់គ្នាចាប់អារម្មណ៍ និងភ្ញាក់ផ្អើលជាខ្លាំង បន្ទាប់ពីរូបគេបង្ហាញសត្ថភាពយ៉ាងគួរឱ្យភ្ញាក់ផ្អើលនៅក្នុងការបង្ហាញខ្លួនជាលើកដំបូងឱ្យក្រុមជម្រើសជាតិ អង់គ្លេស នៃព្រឹត្តិការណ៍ WorldCup យប់មិញ។

ជាការពិតណាស់ នៅក្នុងជំនួបបើកឆាកពូល Bនៃពានរង្វាន់បាល់ទាត់ពិភពលោកយប់មិញ ក្រុមជម្រើសជាតិអង់គ្លេសទទួលបាន ៣ ពិន្ទុយ៉ាងសំខាន់ ក្រោយពួកគេទទួលជ័យជម្នះទៅលើក្រុម អ៊ីរ៉ង់ក្នុងលទ្ធផលយ៉ាងចាស់ដៃ ៦-២។

យ៉ាងណាមិញ នៅក្នុងការប្រកួតខាងលើ Bellinghamក៏បានចាប់ផ្តើមនៅក្នុងជម្រើសដំបូងផងដែរដោយរូបគេបានចាប់ដៃគូនៅតំបន់កណ្តាលជាមួយ Declan Rice និង Mason Mount, ក្នុងនោះខ្សែបម្រើរបស់Dortmund រកបានមួយគ្រាប់ ដែលជាគ្រាប់បើកឆាកឱ្យក្រុមតោកំណាចនៅនាទីទី៣៥៕

សូមទស្សនាវីដេអូខាងក្រោម៖