<p><b>បរទេស៖</b> ខ្សែប្រយុទ្ធស្លាបរបស់ Real Madrid កីឡាករ Rodrygo បានបង្ហើបឱ្យដឹងថាNeymar Jr. ចង់ឱ្យគាត់ស្នងតំណែងអាវលេខ ១០ នៅជម្រើសជាតិប្រេស៊ីល។</p><figure style="text-align:center"><img src="https://cms.dmpcdn.com/article/2022/06/20/b7745040-f03c-11ec-9d0f-9d71a23d6f8d_original.jpg" alt="កីឡាករ Rodrygo និង Neymar" style="width:100%"/><figcaption>កីឡាករ Rodrygo និង Neymar</figcaption></figure><p>ជាការពិតណាស់ កាលពីខែ តុលា ឆ្នាំ ២០២១Neymar ធ្លាប់បានប្រកាសថា World Cup ២០២២ ខាងមុខអាចជាពេលវេលាចុងក្រោយដែលគាត់លេងឱ្យក្រុមជម្រើសជាតិ ប្រេស៊ីល,ខណៈមូលហេតុដែលធ្វើឱ្យគាត់សម្រេចចិត្តដូច្នេះ ដោយសារតែគាត់មានរឿងរ៉ាវខ្លះៗទាក់ទងនឹងសម្ពាធផ្លូវចិត្តនិងបញ្ហារបួសរ៉ាំរ៉ៃផងដែរ។</p><figure style="text-align:center"><img src="https://cms.dmpcdn.com/article/2022/06/20/b7c04d60-f03c-11ec-9c1e-d945df4f1511_original.jpg" alt="Neymar Jr." style="width:100%"/><figcaption>Neymar Jr.</figcaption></figure><p>Rodrygo ដែលបច្ចុប្បន្នជាខ្សែប្រយុទ្ធដ៏មានសក្តានុពលរបស់R.Madrid និងជម្រើសជាតិប្រេស៊ីលបានថ្លែងប្រាប់ Podpahយ៉ាងដូច្នេះថា៖</p><blockquote><aside><b>Neymar បានប្រាប់ខ្ញុំថា “ខ្ញុំត្រៀមខ្លួនរួចរាល់ហើយក្នុងការចាកចេញពីជម្រើសជាតិហើយអាវលេខ ១០គឺជារបស់អ្នក។ ខ្ញុំមិនដឹងថាត្រូវនិយាយអ្វីទៅកាន់គាត់ទេ។ ខ្ញុំពិតជាអៀនណាស់,ខ្ញុំសើចទាំងមិនដឹងថាគួរនិយាយអ្វីឱ្យសម។ ខ្ញុំបានប្រាប់គាត់ទៅវិញថា អ្នកត្រូវតែលេងឱ្យបានច្រើនជាងនេះបន្ថែមទៀត,ខ្ញុំមិនចង់ឱ្យគាត់សម្រេចចិត្តបែបនេះនៅពេលឥឡូវនេះទេ។ ហើយក្រោយមកគាត់ក៏បានសើច។</b></aside><label>— <i><b>កីឡាករ Rodrygo</b></i></label></blockquote><figure style="text-align:center"><img src="https://cms.dmpcdn.com/article/2022/06/20/b9002060-f03c-11ec-ac1a-5d9d49107c3e_original.jpg" alt="កីឡាករ Rodrygo" style="width:100%"/><figcaption>កីឡាករ Rodrygo</figcaption></figure><p>គួរបញ្ជាក់ថា អាវលេខ ១០ នេះត្រូវបានគេចាត់ទុកជាលេខប្រវត្តិសាស្ត្រមួយនៅក្នុងក្រុមជម្រើសជាតិ ប្រេស៊ីល ពោលលេខមួយនេះធ្លាប់បានពាក់ដោយវីរះបុរសជាច្រើនដូចជា Pele, Zico, Rivaldo, Ronaldinho, Kaka និង ចុងក្រោយនេះគឺ Neymar៕</p><p><b>ប្រភព៖​</b> <a href="https://www.espn.com/soccer/brazil-bra/story/4687899/rodrygo-neymar-wants-me-to-take-brazils-no-10-shirt-from-him">ESPN </a></p><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

នរណាគេ? Neymar ចង់ឱ្យខ្សែប្រយុទ្ធរូបនេះស្នងតំណែងអាវលេខ១០របស់ខ្លួននៅប្រេស៊ីល ក្រោយចូលនិវត្តន៍ពីជម្រើសជាតិ