ក្តៅៗ! កីឡាករឆ្នើមរូបនេះ សម្រេចចិត្តផ្លាស់ទៅកាន់ Juventus ហើយ

អ៊ីតាលី៖ អ្នកកាសែតកីឡាដ៏ល្បីល្បាញលោក Fabrizio Romano បានបញ្ជាក់យ៉ាងច្បាស់ថា ខ្សែបម្រើ Paul Pogba នឹងចូលរួមជាមួយ Juventus សម្រាប់ការប្រកួតប្រជែងរដូវកាលថ្មីខាងមុខនេះ។

ជាការពិតណាស់ Pogba ធ្លាប់ជាអតីតកីឡាកររបស់ Juventus ម្តងរួចទៅហើយនៅចន្លោះឆ្នាំ ២០១២-២០១៦ មុនពេលដែលរូបគេផ្លាស់មកកាន់ Manchester United កាលពីឆ្នាំ២០១៦។ យ៉ាងណាក្តីក្រោយអស់កិច្ចសន្យាជាមួយក្រុមបិសាចក្រហម ពេលនេះរូបគេក៏បានសម្រេចចិត្តវិលត្រឡប់មកកាន់ Juventus វិញក្នុងនាមជាកីឡាករដែលគ្មានតម្លៃខ្លួន។

បើយោងតាមការចុះផ្សាយរបស់លោក Fabrizio បានលើកឡើងថា Pogba នឹងធ្វើដំណើរទៅកាន់ប្រទេសអ៊ីតាលី នៅដើមខែកក្កដាខាងមុខនេះដើម្បីធ្វើការតេស្តសុខភាព និង ចុះកិច្ចសន្យាជាផ្លូវការ ខណៈ Manchester City ក៏ធ្លាប់បានព្យាយាមទាក់ទងគេដែរ ប៉ុន្តែបេះដូងរបស់គេមានតែ Juventus មួយគត់៕

ប្រភព៖​ Fabrizio Romano