៤០លានលក់ហើយ! Chelsea នឹងព្យាយាមលក់កីឡាកររូបនេះចេញ មុនទីផ្សារដោះដូរបិទទ្វារ

អង់គ្លេស៖ អ្នកកាសែត Ben Jacobs មកពី CBS Sports បានចុះផ្សាយថា ក្លិបChelsea នឹងលក់ខ្សែបម្រើ Conor Gallagher មុនទីផ្សារដោះដូរខែមករាបិទទ្វារបើសិនមានក្លិបផ្សេងដាក់សំណើចន្លោះពី ៣៥ទៅ៤០លានផោន( ៤៣.៤ ទៅ ៤៩.៦ លានដុល្លារ)។

​Gallagher បានក្លាយជាកីឡាករ Chelsea តាំងពីឆ្នាំ២០០៧ ដោយធ្លាប់ត្រូវ Chelsea ដាក់ឲ្យក្លិប Charlton ,Swansea City និង Crystal Palace ខ្ចីជើង។

​ពេលទៅលេងនៅ Crystal Palace គឺ Gallagher បានបង្ហាញទម្រង់លេងយ៉ាងល្អគឺ ស៊ុតបញ្ចូលទីបាន៨គ្រាប់និងបញ្ជូនបាល់បាន៥គ្រាប់ ក្នុងការបង្ហាញខ្លួន៣៩ប្រកួត ដូច្នេះហើយទើបរដូវកាលនេះគេបានវិលត្រឡប់មកលេងនៅក្រុម Chelsea វិញ។​

យ៉ាងណាមិញ Conor Gallagher បរាជ័យក្នុងការដណ្ដើមតំណែងជម្រើស១១នាក់ដំបូងក្នុងក្រុម ដោយជាប់ជម្រើសបានតែ៩ប្រកួតប៉ុណ្ណោះនៅ Premier League រដូវកាលនេះ៕

ប្រភព៖​ sportskeeda