មិនធម្មតា! Mbappe ស៊ុតបញ្ចូលទី ៥គ្រាប់ម្នាក់ឯងឲ្យ PSG ធ្វើមិនដឹងយប់មិញ (មានវីដេអូ)

បារាំង៖ ខ្សែប្រយុទ្ធក្លិប Paris Saint Germain កីឡាករ Kylian Mbappe នៅតែបន្តបង្ហាញថ្វីជើងបញ្ចប់ទីរបស់គេខ្លាំងដដែលក្នុងជំនួបទល់នឹង US Pays de Cassel នៃពានរង្វាន់ Coupe de France កាលពីយប់មិញ។

ជាការពិតណាស់ នៅក្នុងវគ្គទី១ PSG បានធ្វើការដាក់សម្ពាធខ្លាំងមែនទែនមកលើគូប្រកួតរហូតរកបានដល់ទៅ៤គ្រាប់ ពីការស៊ុតបញ្ចូលទីរបស់ Mbappe បីគ្រាប់ក្នុងនាទីទី ២៩ ៣៤ និង ៤០ ខណៈ Neymar រកបានមួយគ្រាប់ដែរនៅនាទីទី៣៤។

លុះឈានចូលដល់វគ្គទី២ PSG មិនបន្ធូរបន្ថយឡើយ ដោយ​បន្តរកគ្រាប់បាល់បាន៣គ្រាប់បន្ថែមទៀត ក្នុងនោះ Mbappe បានបន្ថែម២គ្រាប់ទៀត ដែលជាគ្រាប់បាល់ទី៥របស់គេប្រចាំការប្រកួត និង Carlos Soler ធ្វើឲ្យចប់ការប្រកួត PSG បានយកឈ្នះ Cassel ក្នុងលទ្ធផល ៧ទល់នឹង០ ដើម្បីកក់កៅអីឡើងទៅកាន់វគ្គបន្ទាប់នៃពានរង្វាន់ Coupe de France៕