ច្បាស់ការ! Romano រាយការណ៍ថា តារាឆ្នើមរូបនេះពិតជាអាចចាកចេញពី Chelsea រដូវក្តៅនេះពិតមែន

បរទេស៖ ខ្សែប្រយុទ្ធ Timo Werner ទំនងជានឹងអាចចាកចេញពីChelsea នៅរដូវក្តៅនេះពិតមែន, ខណៈ Juventus បានដាក់គោលដៅហើយស្រេច ដើម្បីផ្ទេរយកខ្សែប្រយុទ្ធសញ្ជាតិ អាល្លឺម៉ង់រូបនេះ, នេះបើតាមប្រភពច្បាស់ការនៅបរទេស។

យោងតាមការចុះផ្សាយរបស់អ្នកកាសែតអ៊ីតាលីលោក Fabrizio Romano បានឱ្យដឹងថា Wernerពិតជាអាចចាកចេញពី Chelsea នៅរដូវក្តៅនេះពិតមែន។ គាត់គឺជាកីឡាករគោលដៅម្នាក់ ដែលត្រូវបាន Juventusបញ្ចូលឈ្មោះទៅក្នុងបញ្ជីនាំចូលរបស់ក្លិបដើម្បីជំនួសតំណែង Alvaro Morata ដែលបានចាកចេញទៅAtletico Madrid វិញ ក្រោយផុតកុងត្រាខ្ចីជើង។

គួរបញ្ជាក់ថា Werner ត្រូវបាន Chelsea ទិញយកពី RBLeipzig នៅឆ្នាំ ២០២០ ហើយបច្ចុប្បន្នរូបគេនៅសល់កុងត្រា ៣ឆ្នាំទៀតជាមួយក្រុមតោខៀវ ពោលគឺដល់ឆ្នាំ ២០២៥៕

ប្រភព៖​ Fabrizio Romano