ចុម! Costa ថាគេភ័»_យស្ទើរស្លា»_ប់ ទម្រាំថតវីដេអូបង្ហាញខ្លួនជាមួយ Wolves មួយឃ្លីបនេះចប់ (មានវីដេអូ)

September 13, 2022

បរទេស៖ អតីតខ្សែប្រយុទ្ធរបស់ Chelsea កីឡាករ Diego Costa បានចាកចេញពីក្លិបប្រេស៊ីល Atletico-MG មកចូលរួមជាមួយ WolverhamptonWanderers នៅរដូវក្តៅនេះដោយគ្មានតម្លៃខ្លួន។

ខណៈថ្ងៃ ចន្ទ ទី ១២ យប់មិញនេះ Wolvesបានប្រកាសបង្ហាញមុខខ្សែប្រយុទ្ធចំណូលថ្មីវ័យ ៣៣ឆ្នាំជាផ្លូវការ ហើយក្នុងនោះពួកគេបានធ្វើការស្វាគមន៍យ៉ាងកក់ក្តៅមែនទែនតាមរយៈការបង្ហោះរូបភាពនៅលើបណ្តាញសង្គម និងជាពិសេសមានការបង្ហោះវីដេអូ Costa ជាមួយសត្វឆ្កែចចក ដែលជាសត្វតំណាងក្លិបផងដែរ។

ក្រោយថតវីដេអូមួយឃ្លីបនេះរួច, Costaបាននិយាយយ៉ាងដូច្នេះថា៖

ខ្ញុំពិតជាខ្លាចស្លាប់ខ្លាំងណាស់។ ពេលកំពុងកាន់ខ្សែច្រវ៉ាក់បណ្តើរខ្ញុំគិតបណ្តើរ, តើវាយ៉ាងម៉េចទៅ ប្រសិនបើចចកទាំងនោះគិតហក់មកកន្ទ្រប់លើខ្ញុំ? ហើយក្រោយមកពួកគេទាំង៣ បានបន្តការថតជាធម្មតា ដោយសារតែស្ត្រីដែលជាគ្រូបង្ហាត់ នាងបានហៅពួកគេហើយនាងបានដើរនៅជុំវិញបរិវេណនោះជាប់ជានិច្ច៕
— Diego Costa

ដើម្បីជ្រាបច្បាស់សូមទស្សនាវីដេអូខាងក្រោម៖

វីដេអូ

ប្រភព៖ Sportskeeda

ដៃគូរសហការ One Football

អានបន្ថែម