ហួសចិត្ត! ក្រោយ Man City ចាញ់យប់មិញ Haaland បានបង្កើតកំណត់ត្រាដ៏អាក្រក់មិនធ្លាប់មានមួយនៅក្នុងអាជីពខ្លួន

បរទេស៖ ខ្សែប្រយុទ្ធ Erling Haaland បានបង្កើតកំណត់ត្រាដ៏អាក្រក់មិនធ្លាប់មានមួយនៅក្នុងអាជីពរបស់ខ្លួន បន្ទាប់ពី Manchester City រងបរាជ័យក្រោមថ្វីជើង Spurs យប់មិញ។

ជាការពិតណាស់ នៅក្នុងការប្រកួតសប្តាហ៍ទី ២២ នៃក្របខណ្ឌ Premier League យប់មិញក្រុមម្ចាស់ផ្ទះ Spurs បានយកឈ្នះទៅលើ Man City ក្នុងលទ្ធផល ១-០ ដែលក្នុងនោះគឺស៊ុតបញ្ចូលទីដោយ Harry Kane នៅនាទីទី ១៥។

យ៉ាងណាមិញ បើយើងក្រឡេកទៅមើលការប្រកួតនោះ Haaland ដែលធ្លាប់ជាអ្នកស៊ុតមិនសំចៃជើង ប៉ុន្តែយប់មិញនេះពិតជាហួសចិត្តមែនទែន ដែលរូបគេបែជាមិនបានស៊ុតសូម្បីមួយជើង ហើយនេះក៏ជើងលើកទី ១ ផងដែរនៅក្នុងអាជីពគេ ចាប់តាំងផ្លាស់មកកាន់លីគ អង់គ្លេស៕

ប្រភព៖​ ESPN