<p><b>អង់គ្លេស៖ </b>អ្នកចាំទី <b>Dean Henderson</b> បានវាយប្រហារខ្លាំងៗទៅលើក្លិបបិសាចក្រហម Manchester United ដោយចោទថាក្លិបបានធ្វើខុសសន្យានឹងគេ។</p><figure style="text-align:center"><img src="https://cms.dmpcdn.com/article/2022/08/04/35c217f0-1399-11ed-9b87-919910e2620d_original.jpg" alt="អ្នកចាំទី&amp;nbsp;Dean Henderson" style="width:100%"/><figcaption>អ្នកចាំទី&nbsp;Dean Henderson</figcaption></figure><p>Man UTD បានសន្យាថា Henderson នឹងក្លាយជាអ្នកចាំទីដៃទី១ជំនួស <b>David De Gea</b> កាលពីរដូវក្ដៅមុន ប៉ុន្តែពុំបានធ្វើតាមសន្យានោះឡើយ ដែលជាហេតុធ្វើឲ្យគេត្រូវផ្ទេរមកលេងខ្ចីជើងនៅក្លិប Nottingham Forest តែម្ដង។</p><figure style="text-align:center"><img src="https://cms.dmpcdn.com/article/2022/08/04/365668b0-1399-11ed-9b87-919910e2620d_original.jpg" alt="អ្នកចាំទី David de Gea និង Dean Henderson" style="width:100%"/><figcaption>អ្នកចាំទី David de Gea និង Dean Henderson</figcaption></figure><p>កាលពីដើមរដូវកាលមុន Henderson បានឆ្លងកូវីដ១៩ និងមិនបានចូលលេងពីរបីប្រកួត ប៉ុន្តែពេលគេត្រឡប់មកវិញ De Gea បានដណ្ដើមកន្លែងគេបាត់ទៅហើយ ដោយបានស្តារទម្រង់លេងឡើងវិញនិងក្លាយជាអ្នកចាំទីឆ្នើមប្រចាំក្រុមតែម្ដងខណៈ Henderson បានចូលលេងតែ៣ប្រកួតប៉ុណ្ណោះ។</p><figure style="text-align:center"><img src="https://cms.dmpcdn.com/article/2022/08/04/36c3d080-1399-11ed-afb2-0d3ee56c44a6_original.jpg" alt="អ្នកចាំទី&amp;nbsp;Dean Henderson" style="width:100%"/><figcaption>អ្នកចាំទី&nbsp;Dean Henderson</figcaption></figure><p>Henderson បានសម្ដែងការខកចិត្តប្រាប់ talkSPORT ថា៖"</p><blockquote><aside>បើនិយាយឲ្យស្មោះត្រង់ទៅ វាប្រហែលជាពេលវេលាដ៏លំបាកលំបិនមួយនៃរយៈពេល១២ខែក្នុងអាជីពរបស់ខ្ញុំ។ វាពិតជាលំបាកហើយខ្ញុំសប្បាយចិត្តដែលបានចាកចេញពីទីនោះ។ កិច្ចសន្ទនាដែលខ្ញុំបានទទួលបន្ទាប់ពីចាកចេញពីបញ្ចប់ការប្រកួត Euro គឺ អ្នកនឹងក្លាយជាអ្នកចាំទីដៃទី១វិញ។ ខ្ញុំបានឆ្លងកូវីដ១៩ និងត្រឡប់មកវិញ អ៊ីចឹងហើយខ្ញុំគួរបានតំណែងទី១ដែល ប៉ុន្តែគ្មានអ្នកណាធ្វើតាមអ្វីដែលពួកគេប្រាប់ខ្ញុំទេ។ ពួកគេមិនអនុញ្ញាតឲ្យខ្ញុំចាកចេញដែរ។ការដែលអង្គុយនៅទីនោះដល់ទៅ១២ខែ ដូចជាបទឧក្រិដ្ឋមួយអ៊ីចឹង។នៅអាយុប៉ុណ្ណេះ ខ្ញុំពិតជាខឹងខ្លាំងណាស់។</aside><label>— <i>អ្នកចាំទី&nbsp;<b>Dean Henderson</b></i></label></blockquote><figure style="text-align:center"><img src="https://cms.dmpcdn.com/article/2022/08/04/375e14b0-1399-11ed-bab4-adbc604e2d58_original.jpeg" alt="អ្នកចាំទី&amp;nbsp;Dean Henderson" style="width:100%"/><figcaption>អ្នកចាំទី&nbsp;Dean Henderson</figcaption></figure><p><b>ប្រភព៖​</b> <a href="https://metro.co.uk/2022/08/02/dean-henderson-slams-criminal-man-utd-over-no1-keeper-broken-promise-17116731/">metro</a></p><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

ខឹងចិត្តណាស់! កីឡាកររូបនេះថាគេគុំក្លិប Man UTD ណាស់ព្រោះធ្វើខុសសន្យានឹងខ្លួន