សមីខ្លួនចេញមុខហើយ! តើ Ronaldo ឆ្លើយតបដូចម្តេច នៅពេលគេសួរអំពីពាក្យចចាមអារ៉ាមទៅ Man UTD?

June 15, 2021

អឺរ៉ុប៖ កីឡាករ Cristiano Ronaldo បានចេញមុខបដិសេធ ដោយពេលនេះគាត់មិនទាន់គិតលើអនាគតរបស់គាត់នោះទេ បន្ទាប់ពីមានព័ត៌មានជាច្រើនបានចុះផ្សាយរឿងដ៏គួរឱ្យភ្ញាក់ផ្អើលថាខ្សែប្រយុទ្ធរបស់ក្រុម Juventus រូបនេះនឹងវិលត្រឡប់ទៅកាន់អតីតក្លិបចាស់Manchester United នៅរដូវក្តៅនេះវិញ។

ជាការពិតណាស់ កាលពីខែមុនមានរបាយការណ៍បានអះអាងថាបុរសវ័យ ៣៦ ឆ្នាំ គឺកំពុងពិចារណាលើការត្រឡប់ទៅកាន់ទ្រនំចាស់នៅ OldTrafford វិញ, ខណៈក្លិប Juventus ក៏បានបើកភ្លើងខៀវឱ្យខ្សែប្រយុទ្ធសញ្ជាតិ ព័រទុយកាល់ អាចចាកចេញផងដែរ។

ជាមួយគ្នានេះ ក្លិប ParisSaint-Germain ក៏ភ្ជាប់ទំនាក់ទំនងចង់បាន Ronaldoផងដែរ ហើយបើតាមការចុះផ្សាយរបស់កាសែតនៃប្រទេសអេស្ប៉ាញ វិញបានឱ្យដឹងថា ក្លិបអ្នកមានរបស់បារាំងបានបើកកិច្ចចរចារដោយផ្តល់តម្លៃផ្ទេរចេញប្រមាណជា ២៥ លានផោន ឬស្មើរនឹង (៣៥លានដុល្លាអាមេរិក)។

ពាក់ព័ន្ធនឹងពាក្យចចាមអារាមដែលបានលើកឡើងខាងលើRonaldo បានឆ្លើយតបនៅក្នុងសន្និសិទការសែតមុនការប្រកួតរវាងក្រុមព័រទុយហ្កាល់ និង អាឡឺម៉ង់ យ៉ាងដូច្នេះថា៖

ខ្ញុំបានលេងនៅក្នុងកម្រិតខ្ពស់មួយអស់រយៈពេលជាច្រើនឆ្នាំនេះគឺវាមិនធ្វើឱ្យខ្ញុំភ្ញាក់ផ្អើលនោះទេ, ប្រសិនបើខ្ញុំមានអាយុចន្លោះ ១៨ ទៅ ១៩ឆ្នាំ នោះគឺវាសមនឹងឱ្យខ្ញុំគេងមិនលក់ជុំវិញការផ្លាស់ប្តូរក្លិប,ប៉ុន្តែខ្ញុំគឺមានវ័យ ៣៦ ឆ្នាំទៅហើយ។ វាគឺដូចជាអ្វីដែលខ្ញុំធ្លាប់បាននិយាយអ៊ីចឹងជម្រើសបែបណាក៏ដោយវាសុទ្ធតែល្អ, មិនថាអ្នកចង់ស្នាក់នៅ ឬមួយក៏ចង់ចាកចេញ បច្ចុប្បន្នគឺវាមិនមែនជាពេលសំខាន់នោះទេ។រឿងដែលសំខាន់បំផុតគឺត្រូវផ្តោតលើក្រុមជម្រើសជាតិ, ការប្រកួតមួយនេះគឺយើងមិនបានលេងរាល់ថ្ងៃនោះទេខ្ញុំនឹងចូលរួមប្រកួតជាលើកទី ៥ នៅក្នុងអាជីពរបស់ខ្ញុំប៉ុន្តែខ្ញុំតែងតែគិតថាវាជាលើកទី ១ សម្រាប់ខ្ញុំប៉ុណ្ណោះ៕
— កីឡាករ Cristiano Ronaldo

ប្រភព៖ Metro

អានបន្ថែម