Ronaldo សន្យាថានឹងធ្វើរឿងមួយនេះឲ្យបាន ក្រោយផ្លាស់មក Al-Nassr ជាផ្លូវការ

January 5, 2023

អារ៉ាប់ប៊ីសាអូឌីត៖ ខ្សែប្រយុទ្ធ Cristiano Ronaldo ដែលជាកីឡាករចំណូលថ្មីរបស់ Al-Nassr បានសន្យាថារូបគេនឹងបំបែកកំណត់ត្រាជាច្រើននៅលីគប្រទេសអារ៉ាប់ ឲ្យដូចនៅលីគកំពូលអឺរ៉ុប។

កាលពីថ្ងៃទី៤ខែមករាកន្លងទៅនេះ Ronaldo បានបង្ហាញខ្លួនក្នុងសន្និសីទក្នុងនាមជាកីឡាករ Al-Nassr ផ្លូវការដោយក្នុងនោះក៏បានចុះកុងត្រា២ឆ្នាំកន្លះជាមួយក្លិបផងដែរ។

លោក Musalli al Muammar និង ខ្សែប្រយុទ្ធ Cristiano Ronaldo — លោក Musalli al Muammar និង ខ្សែប្រយុទ្ធ Cristiano Ronaldo

យ៉ាងណាមិញ ថ្វីត្បិតមានអាយុ៣៧ឆ្នាំមែនតែ Ronaldo ធ្លាប់ជាកំពូលខ្សែប្រយុទ្ធដ៏អស្ចារ្យនៅទ្វីបអឺរ៉ុបដោយធ្លាប់លេងឲ្យក្លិបល្បីៗជាច្រើនដូចជា Real Madrid, Juventus និង Manchester United ជាដើម ដោយបានបំបែកកំណត់ត្រាពិសេសៗរាប់មិនអស់ មួយក្នុងនោះគឺកំណត់ត្រាក្លាយជាអ្នកស៊ុតបញ្ចូលទីច្រើនជាងគេទាំងនៅក្លិប និងនៅជម្រើសជាតិ។

ដោយឡែក ក្នុងសន្និសីទបង្ហាញខ្លួននៅ Al-Nassr គឺ Ronaldo បានសន្យាថា៖

ខ្ញុំបានបំបែកកំណត់ត្រាជាច្រើននៅអឺរ៉ុប ហើយខ្ញុំមកទីនេះដើម្បីបំបែកកំណត់ត្រាបន្ថែមទៀត។
— ខ្សែប្រយុទ្ធ Cristiano Ronaldo

ប្រភព៖ sportskeeda

ដៃគូរសហការ One Football

អានបន្ថែម