ថាម៉េចខ្លះ? លោក Ten Hag បង្ហាញការយល់ឃើញចំពោះការយក Sabitzer មករួមក្រុម

February 2, 2023

អង់គ្លេស៖ លោក Erik Ten Hag បានបង្ហាញការយល់ឃើញចំពោះការខ្ចីជើង ខ្សែបម្រើ Marcel Sabitzer ពីក្លិប Bayern Munich ។

កាលពីថ្ងៃទៅ៣១ខែមករាកន្លងទៅ Man UTD បានដាក់សំណើខ្ចីជើងគេពី Bayern Munich ទើបក្លិបទាំងពីរបានឈានដល់ការព្រមព្រៀងគ្នា។

Sabitzer នឹងផ្ទេរមកទឹកដី Old Trafford រហូតដល់ចប់រដូវកាល ដោយពុំមានលក្ខខណ្ឌអាចទិញផ្ដាច់នោះឡើយ។

យ៉ាងណាមិញ លោក Ten Hag បានបង្ហាញការយល់ឃើញទៅលើ Sabitzer ថា៖

ពួកយើងពិតជាសប្បាយចិត្តនឹងការផ្ទេរនេះព្រោះពួកយើងត្រូវការវា បន្ទាប់ពី Donny van de Beek ដងខ្លួនចេញ ហើយឥលូវនេះគឺ Christian Eriksen ទៀត។ ហើយ Scott McTominay ក៏មិនបានចូលលេងរយៈពេលខ្លីដែរ។ ដូច្នេះវាធ្វើឲ្យក្រុមយើងខ្វះខ្សែបម្រើ ប៉ុន្តែការយកបានកីឡាករមានគុណភាពនៅថ្ងៃបិទបញ្ចប់ទីផ្សារដោះដូរគឺពិតជាពិបាក។ បន្ទាប់មកពួកយើងបានទទួលឱកាសនេះ។ ខ្ញុំស្គាល់កីឡាករនេះតាំងពីនៅ Salzburg ហើយ Leipzig ដោយគេពិតជាលេងបានយ៉ាងអស្ចារ្យ។ ដូច្នេះខ្ញុំសង្ឃឹមថាគេនឹងធ្វើបែបនេះនៅក្លិបយើងដែរ។ ខ្ញុំគិតថាគេមានអត្តចរិតល្អ និងនៅអាយុគួរសម ហើយខ្ញុំច្បាស់ថាឱកាសនេះនឹងធ្វើឲ្យគេមានទឹកចិត្តលេងឲ្យពួកយើងបានយ៉ាងល្អ។
— លោក Erik Ten Hag

ប្រភព៖ metro

ដៃគូរសហការ One Football

អានបន្ថែម