លាហើយៗ! កីឡាករឆ្នើម Man UTD រូបនេះបានចេកចេញពីគ្រុបសន្ទារបស់ក្រុមហើយ

អង់គ្លេស៖ ខ្សែបម្រើ Paul Pogba ត្រូវបានគេរាយការណ៍ថា បានសម្រេចចិត្តចាកចេញពីកិច្ចសន្ទនា Whatsapp របស់ក្លិប Manchester United ហើយ។

ជាការពិតណាស់ នាពេលថ្មីៗនេះ លោក Ralf Rangnick បានបញ្ជាក់យ៉ាងច្បាស់ថា Pogba នឹងមិនបន្តកុងត្រាថ្មីជាមួយ Man Utd ឡើយ ខណៈ កិច្ចសន្យារបស់គេនឹងអស់សុពលភាពក្រោយបញ្ចប់រដូវកាលនេះ។ ដូច្នេះ វាមានន័យថា គេនឹងក្លាយជាកីឡាករដែលគ្មានតម្លៃខ្លួនក្រោយបញ្ចប់រដូវកាល និង អាចចាកចេញបានដោយគ្មានការហាមឃាត់។

បើយោងទៅតាមការចុះផ្សាយរបស់កាសែតកីឡា The Mirror បានលើកឡើងថា Pogba បានធ្វើឲ្យមិត្តរួមក្រុមរបស់គេដឹងរួចរាល់ទៅហើយអំពីការត្រៀមការចាកចេញរបស់គេពីកីឡដ្ឋាន Old Trafford តាមរយៈការដកខ្លួនឯងចេញពីគ្រុប Whatsapp ដែលជាទូទៅវាជាកម្មវិធីសម្រាប់កីឡាករប្រើប្រាស់ក្នុងការជជែកគ្នា៕

ប្រភព៖​ metro