ក្លិបតោខៀវ Chelsea សម្រេចបន្ត​កុងត្រា​ឲ្យលោក Tuchel និងកីឡាករឆ្នើម ២រូបទៀត

គ្រូបង្វឹកដែលទើបតែជួតក្លឹបតោខៀវ Chelsea លើកពាន Champion League លោក Thomas Tuchel បាន​បន្ត​កុងត្រារយៈពេល ២ ឆ្នាំនៅឯកីឡាដ្ឋាន Stamford Bridge ជាមួយ Chelsea ។

កុងត្រាថ្មីរបស់គ្រូបង្វឹករូបនេះនឹងផុតកំណត់នៅឆ្នាំ ២០២៤ ពីលើកុងត្រាចាស់ដែលគាត់មាន១៨ខែជាមួយក្លឹប ។  ក្រុមតោខៀវក៏បានអនុវត្តជម្រើស ១២ ខែដើម្បីបន្តរកុងត្រាឲ្យខ្សែការពារ Thiago Silva វ័យ ៣៦ ឆ្នាំនៅឯ Stamford Bridge ដើម្បីឲ្យបានលេងមួយរដូវកាលទៀតជាមួយ Chelsea ហើយបានបង្ហាញថាពួកគេធ្វើដូចគ្នា​ដើម្បីរក្សាខ្សែប្រយុទ្ធ Olivier Giroud ដែលមានវ័យ ៣៤ ឆ្នាំសម្រាប់មួយឆ្នាំទៀតទៀតផងដែរ ។

លោក Tuchel បានដឹកនាំក្រុមតោខៀវ Chelsea ឱ្យទទួលបានជ័យជំនះក្នុងក្របខ័ណ្ឌ Champions League លើក្រុម Man City ក្នុងលទ្ធផល ១-០ កាលពីខែមុននិងក៏បានបញ្ចប់ក្នុងចំណាត់ថ្នាក់ទី ៤ នៃក្របខ័ណ្ឌ Premier League បន្ទាប់ពីបានជំនួសដំណែងលោក Frank Lampard ។

គាត់បានប្រាប់គេហទំព័រផ្លូវការរបស់ក្លឹបថា៖

— Tuchel

គួររំលឹកឲ្យដឹងផងដែរថា Chelsea ក៏បានឈានដល់វគ្គផ្តាច់ព្រ័ត្រ FA Cup ផងដែរ តែត្រូវចាញ់ Leicester ១-០ ហើយក្នុងការប្រកួតទាំង ៣០ លើកក្រោមការដឹកនាំរបស់ Tuchel ក្រុមតោខៀវ Chelsea ទទួលជ័យជំនះបាន ១៩ ប្រកួត ៕