<p><b>អង់គ្លេស៖</b> ខ្សែការពារ<b> Clement Lenglet</b> នឹងចាកចេញពី <b>Barcelona </b>ទៅចូលរួមជាមួយ <b>Tottenham</b> ក្នុងលក្ខខណ្ឌខ្ចីជើងមួយរដូវកាលពេញ សម្រាប់ការប្រកួតប្រជែងរដូវកាលថ្មី ពោលរង់ចាំតែការប្រកាសផ្លូវការប៉ុណ្ណោះ។</p><figure style="text-align:center"><img src="https://cms.dmpcdn.com/article/2022/06/29/246a6a20-f779-11ec-84c9-89be78e62a03_original.png" alt="ខ្សែការពារ Clement Lenglet" style="width:100%"/><figcaption>ខ្សែការពារ Clement Lenglet</figcaption></figure><p>ជាការពិតណាស់ Lenglet ដែលបច្ចុប្បន្នមានវ័យ ២៧ឆ្នាំ បានចូលរួមជាមួយ Barcelona តាំងពីឆ្នាំ២០១៨ មកម្ល៉េះ ប៉ុន្តែ ដោយសារទម្រង់លេងធ្លាក់ចុះខ្លាំងពេក ២រដូវកាលចុងក្រោយនេះ រូបគេពុំសូវបានបង្ហាញខ្លួននៅលើទីលានឡើយ ជាពិសេសថ្មីៗនេះ លោក Xavi ក៏បានប្រាប់គេឲ្យរកក្លិបថ្មីផងដែរសម្រាប់ទីផ្សារដោះដូរកីឡាកររដូវក្តៅខាងមុខនេះ ហើយ ពេលនេះគេពិតជារកបានក្លិបថ្មីមែន គឺ Spurs នៃលីគកំពូលអង់គ្លេស។</p><p>បើយោងតាមការចុះផ្សាយរបស់លោក Fabrizio Romano បានបញ្ជាក់យ៉ាងច្បាស់ថា ភាគី Spurs និង Barcelona បានព្រមព្រៀងគ្នាក្នុងការដាក់ Lenglet ឲ្យក្រុមមាន់ខ្នាយមាសខ្ចីជើងមួយរដូវកាលពេញ​ ដោយ ពុំមានលក្ខខណ្ឌទិញផ្តាច់ឡើយ ហើយ រូបគេនឹងត្រឡប់មកកាន់ទឹកដីអេស្ប៉ាញវិញក្រោយបញ្ចប់រដូវកាល ២០២២/២០២៣។</p><figure style="text-align:center"><img src="https://cms.dmpcdn.com/article/2022/06/29/235ddc20-f779-11ec-99fd-db3af2a5f38c_original.png" alt="ខ្សែការពារ Clement Lenglet" style="width:100%"/><figcaption>ខ្សែការពារ Clement Lenglet</figcaption></figure><p>គួរបញ្ជាក់ដែរថា នេះជាការដោះដូរកីឡាករជោគជ័យទី៥របស់ Spurs សម្រាប់ទីផ្សារដោះដូរកីឡាកររដូវក្តៅនេះ បន្ទាប់ពីក្រុមទើបតែទិញបានកីឡាករឆ្នើមៗជាច្រើនដូចជា Ivan Perisić, Bissouma, Richarlison និង Forster៕</p><p><b>ប្រភព៖​</b> <a href="https://www.facebook.com/photo?fbid=536955784898584&amp;set=a.188926249701541">Fabrizio Romano</a></p><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

ក្តៅៗ! Spurs យកបានកីឡាករ Barcelona រូបនេះមករួមក្រុមហើយ