ការពិតចឹងសោះ! បែ»_កធ្លាយកីឡាករអង់គ្លេសរូបនេះ ដកខ្លួនពីព្រឹត្តិការណ៍ World Cup ដោយសារឈ្លោះគ្នាជាមួយក្រុមគ្រូបង្វឹក

កាតា៖ ខ្សែការពារ Ben White ត្រូវបានគេរាយការណ៍ថាបានចាកចេញពីជំរុំហ្វឹកហាត់របស់ក្រុមជម្រើសជាតិអង់គ្លេស នៅឯប្រទេសកាតា ក៏ដោយសារបានឈ្លោះគ្នាយ៉ាងខ្លាំងជាមួយលោក Steve Holland ជាជំនួយការគ្រូបង្វឹក។​

នាពេលនេះ លោក Gareth Southgate កំពុងដឹកនាំក្រុមជម្រើស អង់គ្លេស ប្រកួតនៅព្រឹត្តិការណ៍បាល់ទាត់ពិភពលោក ដោយបានឡើងមកកាន់វគ្គ៨ក្រុមហើយ បន្ទាប់ពីបានយកឈ្នះ សេណេកាល់ រួចមក។ អង់គ្លេស ក៏ត្រូវប៉ះជាមួយ បារាំង នៅវគ្គ៨ក្រុមផងដែរ។​

យ៉ាងណាមិញ White បានដកខ្លួនចេញពីព្រឹត្តិការណ៍នេះភ្លាមៗដោយ សមាគមន៍កីឡាបាល់ទាត់អង់គ្លេស បានបញ្ជាក់ត្រឹមតែថាគេមានហេតុផលផ្ទាល់ខ្លួន ក្នុងការធ្វើបែបនេះ។​

កីឡាករវ័យ២៥ឆ្នាំរូបនេះ ក៏មិនបានបង្ហាញខ្លួនលើទីលាន ក្នុងការប្រកួតកន្លងមករបស់ អង់គ្លេស នៅការប្រកួតបាល់ទាត់ពិភពលោកផងដែរ។

​លោក Holland និង White បានឈ្លោះគ្នាជាខ្លាំងនៅពេលទៅលើខ្សែការពាររូបនេះ ក្នុងជំនួបមុនប្រកួតជាមួយ សហរដ្ឋអាមេរិក ដោយគិតថា White គ្មានចំណេះដឹងគ្រប់គ្រាន់ពីគូប្រកួត៕ 

ប្រភព៖​ metro