ម្នាយអើយ! ឱ្យតែហាមាត់ថាព្រមមក ក្លិបយក្សនៅអាស៊ីមួយនេះហ៊ានជះលុយ ២១០លានដើម្បីផ្តល់ប្រាក់ឈ្នួលឱ្យ Ronaldo

បរទេស៖ Cristiano Ronaldo វីរបុរសរបស់ Manchester United ត្រូវបានគេផ្តល់សំណើដ៏ធំមួយ ដើម្បីនាំយកទៅលេងនៅក្លិបក្នុងប្រទេស អារ៉ាប៊ីសាអូឌីត, នេះបើតាមរបាយការណ៍នៅបរទេស។

បន្ទាប់ពីមានព័ត៌មានថា Ronaldo ចង់ចាកចេញពី Man UTD, ថ្មីៗនេះសារព័ត៌មានរបស់ព័រទុយកាល់ CNN បានរាយការណ៍ថា ក្លិបមិនបញ្ចេញឈ្មោះដែលមានមូលដ្ឋាននៅក្នុងតំបន់មជ្ឃិមបូពា៌នៃទ្វីបអាស៊ីសុខចិត្តបង់ថ្លៃផ្ទេរចំនួន ៣០ លានដុល្លារអាមេរិកឱ្យទៅ Man UTD ដើម្បីផ្ទេរយកខ្សែប្រយុទ្ធវ័យ ៣៧ ឆ្នាំ។

ប្រភពដដែលបានបន្ថែមថា ប្រសិនបើ Ronaldo យល់ព្រមលើការផ្ទេរនេះ នោះគាត់នឹងទទួលបានប្រាក់បៀវត្សរ៍ច្រើនមហាសាល ពោលគឺចំនួន ១០៥ លានផោន ឬប្រមាណជា (១២៤ លានដុល្លារអាមេរិក) ក្នុងមួយឆ្នាំ, នោះគឺមានន័យថា គាត់នឹងទទួលបានប្រាក់ឈ្នួលសរុបចំនួន ២១០ លានផោន ឬប្រមាណជា (២៤៩ លានដុល្លារអាមេរិក) ក្នុងការរួមរស់ជាមួយក្លិបនៃប្រទេស អារ៉ាប៊ីសាអូឌីត ក្នុងរយៈពេល ២ រដូវកាល៕

ប្រភព៖​ Sportbible