អតីតបុគ្គលមានឥទ្ធិពលនៅ Real Madrid ម្នាក់ចេញមុខរិះគន់ Zidane ចំៗលើការសម្រេចចិត្តចាកចេញពី Real

June 4, 2021

បរទេស៖ លោក Benito Floro គឺជាបុគ្គលម្នាក់ដែលធ្លាប់ធ្វើការនៅ Real Madrid និងធ្លាប់ឆ្លងកាត់ពេលវេលាជាច្រើនជាមួយ Real Madrid បានចេញមុខពោលពាក្យធ្ងន់ៗទៅកាន់ Zidane ជុំវិញការសម្រេចចិត្តចាកចេញពី Real Madrid របស់គាត់។

ក្រោយពេលចាកចេញ Zidane បានបកស្រាយប្រាប់មហាជនអំពីមូលហេតុ គឺដោយសារតែលោកមានអារម្មណ៍ថាក្លិប Real Madrid លេងផ្តល់ទំនុកចិត្តដល់លោកហើយ ព្រមទាំងមានទំនាក់ទំនងមិនសូវល្អជាមួយថ្នាក់ដឹកនាំផងដែរ។

ទាក់ទិននឹងរឿងនេះលោក Benito Floro គាត់បានបង្ហាញអារម្មណ៍ដោយថ្លែងក្នុងបទសម្ភាសន៍មួយបែបនេះថា៖

ខ្ញុំបានមានការភ្ញាក់ផ្អើលជាខ្លាំងលើការសម្រេចចិត្ត និងប្រតិកម្មរបស់ Zidane ព្រោះគាត់គួរតែផ្តល់ក្តីគោរពទៅកាន់លោក Perez ឲ្យបានច្រើនជាងនេះ ។
គាត់ [Perez] ជាអ្នកដែលបានផ្តល់ឱ្យគាត់នូវអ្វីៗគ្រប់យ៉ាងទាំងក្នុងនាមជាកីឡាករនិងជាគ្រូបង្វឹក។ គាត់នឹងមានហេតុផលរបស់គាត់ប៉ុន្តែយើងមិនដឹងថាជាហេតុផលអ្វីទេ។ ខ្ញុំមិនគិតថាវាជាការលំបាកក្នុងការធ្វើជាគ្រូបង្វឹករបស់ក្រុម Real Madrid នោះទេ។ ក្លឹបបានផ្តល់ឱ្យអ្នកនូវកីឡាករល្អបំផុត និងកន្លែងល្អបំផុត។
ខ្ញុំមិនដឹងថាហេតុអ្វី Zidane បានត្អូញត្អែរទេព្រោះក្លឹបតែងតែគាំទ្រគាត់ជានិច្ច”៕
— Benito Floro

ទាក់ទងជាមួយ:

ការងារ ជីវិត

អានបន្ថែម