ទៅមិនរួចជាមួយក្រុមខ្លាំងទេ! Keane ថាក្រុមគីឡូធ្ងន់មួយនេះកុំសង្ឃឹមថាបាន Top 4 ឲ្យសោះ

January 10, 2022

អង់គ្លេស៖ លោក Roy Keane បាននិយាយថាក្រុមកាំភ្លើងធំ Arsenal មិនអាចដណ្ដើមចំណាត់ថ្នាក់លេខ៤នៅ Premier League បានទេព្រោះលេងនៅមិនទាន់ល្អគ្រប់គ្រាន់។

ភាគីលោក Mikel Arteta នៅរដូវកាលនេះចាប់ផ្ដើមការប្រកួតបើកឆាករដួវកាលដោយចាញ់បីប្រកួតផ្ទួនៗដោយមិនបានស៊ុតបញ្ចូលទីសូម្បីមួយគ្រាប់ ប៉ុន្តែក្រោយមកក្រុមនេះក៏បន្តលេងបានល្អរហូតដណ្ដើមបានចំណាត់ថ្នាក់លេខ៥នៅ Premier League ដោយមាន៣៥ពិន្ទុក្នុងដៃគឺល្អជាង Manchester United ដែលស្ថិតនៅលេខរៀងទី៧ទៅទៀត។

យ៉ាងណាមិញ Arsenal នៅតែមានបញ្ហាព្រោះភាគច្រើនប្រកួតចាញ់ក្រុមធំៗដូចជា Manchester City, Chelsea,Liverpool និង Manchester United ។

ដូច្នេះហើយទើប លោក Keane គិតថាការលេងរបស់ Arsenal មិនទាន់ល្អគ្រប់គ្រាន់អាចដណ្ដើម Top 4 បានទេដោយលោកបានថ្លែងប្រាប់ ITV ថា៖

បន្ទាប់ពីឃើញការលេងរបស់ពួកគេកាលពីដើមរដូវកាលមកគឺពួកគេគួរតែទទួលបានការកោតសសើរដែលអាចធ្វើឲ្យអ្វីៗល្អឡើងវិញ។ ពួកគេមានកីឡាករក្មេងៗដ៏អស្ចារ្យនៅ Arsenal ។ ប៉ុន្តែសំណួរមួយទៀតនាពេលឥលូវនេះគឺតើពួកគេអាចបន្តឡើងដល់ខាងលើនិងបាន Top 4 ឬអត់? ខ្ញុំមិនច្បាស់សោះ។ ខ្ញុំគិតថាពួកគេនៅទន់ខ្សោយនាពេលខ្លះ ជាពិសេសគឺពេលប៉ះនឹងក្រុមធំៗ។
— លោក Roy Keane

ប្រភព៖ mirror

ដៃគូរសហការ One Football

អានបន្ថែម