James Rodriguez បង្ហើបពីអនាគតរបស់ខ្លួននៅ Real Madrid
អង់គ្លេស៖ ខ្សែបម្រើក្លិប Everton កីឡាករ James Rodriguez បានឆ្លើយតបនឹងសំនួរដែលបានសួរថា តើគេនឹងទៅលេងឲ្យក្លិប Real Madrid ក្រោមការដឹកនាំរបស់លោក Carlo Ancelotti គ្រូបង្គោលក្លិបនេះ និងត្រូវជាអតីតអ្នកចាត់ការរបស់ខ្លួន ឬក៏យ៉ាងណា?
James បាននិយាយថា៖ "ត្រលប់ទៅលេងនៅ Real Madrid ក្រោមការដឹកនាំរបស់លោក Ancelotti? ខ្ញុំមិនដឹងដែរ ហើយខ្ញុំក៏មិនគិតថាខ្ញុំនឹងទៅលេងហ្នឹងដែរ។ មានតែចាំមើលទាំងអស់គ្នាទេ។ ចំពោះខ្ញុំ ខ្ញុំនៅលេងឲ្យ Everton មួយឆ្នាំទៀតក៏មិនអីដែរ"។
កីឡាករនេះបន្តថា៖ "ខ្ញុំខ្លួនឯង ខ្ញុំមិនគិតថា Ancelotti នឹងយកខ្ញុំទៅលេងនៅហ្នឹងទេ។ ព្រោះរវាងខ្ញុំ និង Real ក៏ត្រូវបានបញ្ចប់ហើយ។ អញ្ចឹងហើយបានជាខ្ញុំមិនគិតថាខ្ញុំនឹងទៅហ្នឹងទេ តែយ៉ាងណាខ្ញុំនៅក្មេង។ មានតែចាំមើលៗ "។
គួរបញ្ជាក់ផងដែរថា James ក៏ធ្លាប់ទៅលេងឲ្យក្លិប Real ម្ដងរួចម្ដងហើយកាលពីឆ្នាំ២០១៤ ដល់ឆ្នាំ២០២០ ហើយក្នុងកំឡុងពេលនោះគេក៏ធ្លាប់លេងក្រោមការដឹកនាំរបស់លោក Ancelotti៕
ប្រភព៖ Goal