ញាក់សាច់! លោក Ferdinand ជំរុញឱ្យ Southgate រៀបទម្រង់បែបនេះ ដឹងតែស៊ីក្រូអាតបើកឆាក Euro ហើយ

June 10, 2021

អឺរ៉ុប៖ លោក Rio Ferdinand ជឿជាក់ថាកីឡាករJack Grealish និង Raheem Sterling នឹងលេងនៅក្នុងតំបន់ប្រយុទ្ធជាមួយ Harry Kane នាជំនួបទល់នឹងក្រុម ក្រូអាត។ ខណៈក្រុមតោកំណាច នឹងចាប់ផ្តើមបើកយុទ្ធនាការការប្រកួតព្រឹត្តិការណ៍European Championship របស់ខ្លួននាថ្ងៃសៅរ៍ខាងមុខនេះហើយ។

អតីតខ្សែការពាររបស់ក្រុមតោកំណាចអង់គ្លេសបានមានប្រសាសន៍ប្រាប់គេហទំព័រ SunSport យ៉ាងដូច្នេះថា៖

ខ្ញុំរំពឹងថាពួកគេនឹងលេងជាមួយខ្សែការពារ៣ នាក់, ខ្សែបម្រើ ៤ នាក់ និងរួមជាមួយខ្សែប្រយុទ្ធ ៣ នាក់នៅខាងលើ (៣-៤-៣)។ ក្នុងតំបន់ខាងលើ Kane លេងជាខ្សែប្រយុទ្ធកណ្តាល, ចំណែកឯ Grealish និង Sterling អមជាខ្សែប្រយុទ្ធស្លាបនៅក្នុងការប្រកួតនេះ។ខ្ញុំពិតជារំភើបណាស់ដែលឃើញ Gareth រៀបចំពួកគេបែបនេះ៖តើពួកយើងអាចលេងបែបវាយសម្រុក និងគ្រប់គ្រងការប្រកួតបានទេ?
— លោក Rio Ferdinand

លោក Ferdinand បានបន្តទៀតថា៖

ពីមុន ក្រូអាត ពួកគេលេងដោយមានកីឡាករ LukaModric និង Ivan Rakitic គ្រប់គ្រងនៅក្នុងតំបន់បម្រើ។ តើឥឡូវពួកយើងអាចអនុញ្ញាតឱ្យពួកគេលេងបានបែបនេះម្តងទៀតទេ?ប្រសិនបើយើងលេងដោយមានសក្តានុពល និង ការវាយសម្រុកខ្លាំង, នោះយើងនឹងអាចធ្វើឱ្យក្រុមជាច្រើនឈឺចាប់។ខ្ញុំពិតជាជឿជាក់ខ្លាំងណាស់។ ហើយខ្ញុំពិតជារំភើបដែលបានឃើញអំពីទម្រង់លេងរបស់ពួកគេ៕
— លោក Rio Ferdinand

ប្រភព៖ The Sun

អានបន្ថែម