គិតម៉េច? Neville បង្ហាញការយល់ឃើញបែបនេះជុំវិញសំណួរថា Man UTD គួរឲ្យស្លាកប្រធានក្រុមទៅ Ronaldo ឬអត់

September 2, 2021

អង់គ្លេស៖ ខ្សែប្រយុទ្ធ Cristiano Ronaldo បានចាកចេញពីក្លិបសេះបង្កង់ Juventus និងផ្ទេរមកកាន់ទ្រនំចាស់នៅ Manchester United ស្របពេលអ្នកគាំទ្រទាំងអស់នាំគ្នាសាទរយ៉ាងគគ្រឹគគគ្រេង។

Ronaldo បានចាកចេញពីទឹកដី Old Trafford កាលពី១២ឆ្នាំមុនប៉ុន្តែក្ដីស្រឡាញ់របស់គេចំពោះក្លិបគឺធំធេងណាស់ ហើយគេត្រូវបានគ្រប់គ្នារំពឹងទុកថានឹងរួមចំណែកក្លាយជាកីឡាករស្នូលដ៏សំខាន់នៅបិសាចក្រហមនារដូវកាលនេះ។

មានសំណួរជាច្រើនបានចោទសួរថា តើ Cristiano Ronaldo អាចនឹងពាក់ស្លាកប្រធានក្រុម Manchester United ឬយ៉ាងណាក្រោយព័ត៌មាននៃការផ្ទេររបស់គេកើតឡើង។

ពាក់ព័ន្ធនឹងរឿងនេះលោក Gary Neville ដែលជាអតីតកីឡាករឆ្នើមនៅ Manchester United បានបញ្ចេញមតិថា៖

ខ្ញុំប្រាកដជាភ្ញាក់ផ្អើលខ្លាំងបើសិន Harry Maguire ផ្ដល់ស្លាកប្រធានក្រុមទៅឲ្យគេ ខ្ញុំគិតថា Harry Maguire នឹងនៅតែបន្តតំណែងជាប្រធានក្រុមរយៈពេលវែង គឺ២ឆ្នាំក្រោយ Cristiano ត្រឡប់មកវិញ។ ដូច្នេះខ្ញុំមិនគិតថារឿងនេះវាកើតឡើងនោះឡើយ ខ្ញុំនឹងភ្ញាក់ផ្អើលបើសិនគេពាក់ស្លាកប្រធានក្រុមមែននោះ។ ខ្ញុំគិតថាជំនាញនិងភាពជាអ្នកដឹកនាំរបស់ Cristiano Ronaldo គឺមិនចាំបាច់ត្រូវបង្ហាញចេញដោយស្លាកប្រធានក្រុមទេតែខ្ញុំគិតថាគេចូលចិត្តធ្វើជាអ្នកដឹកនាំក្នុងបន្ទប់ផ្លាស់សំលៀកបំពាក់៕
— លោក Gary Neville

ប្រភព៖ thesun

អានបន្ថែម