ក្តៅៗ! ក្រោយទិញបាន Casemiro ឥឡូវ Man UTD ត្រៀម២៥លានផោន ទិញកីឡាករ Real ម្នាក់នេះទៀត

អង់គ្លេស៖ ក្លិបបិសាចក្រហម Manchester United ត្រូវបានគេរាយការណ៍ថា នឹងត្រៀមកញ្ចប់ទឹកប្រាក់ ២៥លានផោន (ឬប្រមាណ ២៩លានដុល្លារ) ដើម្បីដាក់សំណើទៅកាន់ Real Madrid ក្នុងការនាំយក Marco Asensio មករួមក្រុម។

ជាការពិតណាស់ មកទល់នឹងពេលនេះ លោក Erik ten Hag កំពុងតែព្យាយាមស្វះស្វែងខ្លាំងមែនទែនក្នុងការស្វែងរកកីឡាករថ្មីបន្ថែមជាពិសេសនៅតំបន់ប្រយុទ្ធ ដែលលោកចង់បាន Anthony របស់ Ajax ប៉ុន្តែ​ មានតម្លៃខ្លួនខ្ពស់ពេករហូតដល់ទៅ ១០០លានអឺរ៉ូ (ឬប្រមាណ ៩៩.៦លានដុល្លារ) ដែលធ្វើឲ្យក្រុមបិសាចក្រហមស្ថិតក្នុងការពិចារណាឡើងវិញ។

បើយោងទៅតាមការចុះផ្សាយរបស់ The Telegraphy បានលើកឡើងថា Man Utd កំពុងតែមានជម្រើសផ្សេងក្រៅពី Anthony ដែលមានតម្លៃខ្លួនទាបជាង ពោល គឺ Asensio ដែលកំពុងត្រូវបាន Real Madrid ចង់លក់ត្រឹម ២៥លានផោន ដែលនឹងអស់កិច្ចសន្យាក្រោយបំណាច់រដូវកាលនេះ ដូច្នេះក្រុមអធិរាជសហាក់បង្ហាញចំណាប់អារម្មណ៍ចង់បានប្រាក់មួយចំនួនជាជាងគេចាកចេញដោយគ្មានតម្លៃខ្លួនពេលអស់កិច្ចសន្យា៕

ប្រភព៖​ metro