អឺរ៉ុប៖ ប្រធានក្លិប Paris Saint Germain លោក Nasser Al-Khelaifi ត្រូវបានគេរាយការណ៍ថា ចង់បាន Mohamed Salah មករួមក្រុម ក្នុងករណីដែល Lionel Messi ចាកចេញពីក្រុមក្រោយចប់រដូវកាលនេះ។
ជាការពិតណាស់ មកទល់នឹងពេលនេះ នៅមិនទាន់លេចលឺដំណឹងអ្វីនៅឡើយទេចំពោះការបន្តកិច្ខសន្យាថ្មីរបស់ Messi ខណៈ កុងត្រារបស់គេនឹងអស់សុពលភាពក្រោយបញ្ចប់រដូវកាលនេះ ហើយ ករណីដែលរូបគេមិនបន្តមានន័យថា គេអាចចាកចេញបានដោយសេរីនៅពេលចប់រដូវកាល។
ក្នុងនោះបើយោងទៅតាម El Nacional បានលើកឡើងថា PSG កំពុងតែតាមប្រមាញ់ឃ្លាំមើល Salah ក្នុងករណីណាមួយដែល Messi មិនបន្តដំណើររួមផ្លូវជាមួយក្រុម ខណៈលោក Nasser ជឿជាក់ និង មើលឃើញថា កីឡាករសញ្ជាតិអេហ្សីបខាងលើ នឹងសហការគ្នាបានល្អនៅលើទីលានជាមួយ Kylian Mbappe និង Neymar៕
ប្រភព៖ Sportskeeda