អ៊ីតាលី៖ យោងតាមសារព័ត៌មាន Fichajes បានចុះផ្សាយថា ខ្សែប្រយុទ្ធ Dusan Vlahovic បានស្នើខ្លួនឯងទៅឲ្យក្លិប Real Madrid ទិញយក ស្របពេលដែលភាគីលោក Carlo Ancelotti កំពុងស្វែងរកទិញខ្សែប្រយុទ្ធមកបន្ថែម។
Real Madrid ចង់បានខ្សែប្រយុទ្ធថ្មីមកជំនួស Karim Benzema ដោយសារតែគេមានវ័យជ្រេទៅហើយ ស្របពេលកុងត្រាក៏នឹងផុតកំណត់នៅរដូវក្ដៅឆ្នាំនេះដែរ។
ដូច្នេះហើយទើប Dusan Vlahovic បានបញ្ជូនដំណឹងទៅកាន់ក្លិប Real Madrid ថាខ្លួនអាចដោះស្រាយបញ្ហាតំបន់ប្រយុទ្ធរបស់ក្រុមនេះបាន។
គួរបញ្ជាក់ផងដែរថា Dusan Vlahovic រកបាន ៨គ្រាប់នៅរដូវកាលនេះ ដោយក្នុងនោះ ៦គ្រាប់នៅ Serie A , ១គ្រាប់នៅ Champions League និង១គ្រាប់ទៀតនៅ ការប្រកួតបាល់ទាត់ពិភពលោក៕
ប្រភព៖ sportskeeda