មែនក៏អី? បើក្រុមជម្រើសជាតិអង់គ្លេសឈ្នះពាន EURO ពួកគេនឹងលេងម៉ូតសក់តាមកីឡាកររូបនេះ

June 21, 2021

អង់គ្លេស៖ កីឡាករកំពុងឡើងជើង PhilFoden បាននិយាយថា កីឡាករជម្រើសជាតិអង់គ្លេសទាំងអស់ បានយល់ព្រមលេងម៉ូតសក់តាមខ្លួនដែរប្រសិនបើពួកគេឈ្នះពានរង្វាន់ជើងឯកប្រចាំទ្វីបអឺរ៉ុប EURO ២០២០។

ជាការពិតណាស់ នៅមុនពេលព្រឹត្ដិការណ៍ចាប់ផ្ដើម Foden បានទៅលាបសក់ពណ៌សគួរឲ្យចាប់អារម្មណ៍ ដែលដូចគ្នាទៅនឹងអតីតកីឡាករជម្រើសជាតិ PaulGascoign ដែលលាបសក់បែបនេះដែរ កាលលេង EUROឆ្នាំ ១៩៩៦ ។ ហើយ Foden បានបង្ហើបថា ក្រុមជម្រើសជាតិអង់គ្លេសនឹងលាបសក់បែបនេះដែរបើពួកគេឈ្នះពាន EURO នាខែក្រោយនេះ បន្ទាប់ពីរង់ចាំអស់រយៈពេល ៥៥ឆ្នាំ។

អតីតកីឡាករជម្រើសជាតិ Paul Gascoign (ស្ដាំ) — អតីតកីឡាករជម្រើសជាតិ Paul Gascoign (ស្ដាំ)

ថ្លែងប្រាប់សារព័ត៌មាន talkSPORT Foden បាននិយាយថា៖

ខ្ញុំបានប្រាប់មិត្ដរួមក្រុមថាប្រសិនបើឈ្នះពាន ពួកគេនឹងលេងម៉ូតសក់ដូចខ្ញុំ ហើយពួកគេទាំងអស់គ្នាបានព្រមព្រៀងហើយ។ ប្រសិនបើឈ្នះខ្ញុំសង្ឃឹមថានឹងបានឃើញអ្នករាល់គ្នាមានម៉ូតសក់ដូចគ្នា។ ខ្ញុំគិតថាក្រុម រ៉ូម៉ានីធ្លាប់ធ្វើបាន ដូច្នេះនឹងអាចធ្វើឲ្យវាក្លាយជាការពិត ដែលគ្រាន់ជារឿងលេងសើច៕
— សម្ដី Foden

ប្រភព៖ dailymail

អានបន្ថែម