Casemiro យប់មិញស៊ុតមួយជើងចម្ងាយជាង ៣០ ម៉ែត្រអ៊េមអស់ទាស់ ខណៈ Man UTD លត់ Reading ៣-១(មានវីដេអូ)

បរទេស៖ នាយប់រំលងអាធ្រាត្រ ឈានចូលថ្ងៃទី ២៩ ខែ មករា ឆ្នាំ ២០២៣ ក្រុមម្ចាស់ផ្ទះ Manchester United បានបើកទ្វាកីឡដ្ឋាន Old Trafford របស់ខ្លួន ទទួលស្វាគមន៍ក្រុមភ្ញៀវ Reading នៅក្នុងការប្រកួតជុំទី ៤ នៃពានរង្វាន់ FA Cup។

ជាការពិតណាស់ នៅក្នុងការប្រកួតនេះ Man UTD ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះទៅលើក្រុម Reading ក្នុងលទ្ធផល ៣ ទល់នឹង ១។

គួរបញ្ជាក់ថា ៣ គ្រាប់របស់ Man UTD គឺរកបានដោយ Casemiro ២ គ្រាប់ គឺនៅនាទីទី ៥៤ និង ៥៨ និងមួយគ្រាប់ទៀតគឺរកបានដោយ Fred នៅនាទីទី ៦៦, ដោយឡែក ១ គ្រាប់របស់ Reading គឺរកបានដោយកីឡាករ Amadou Salif Mbengue នៅនាទីទី ៧២។

សូមទស្សនាវីដេអូខាងក្រោម៖