ហេតុតែស្រលាញ់ក្លិប! កីឡាករ R.Madrid រូបនេះ ថាមិនចង់ចាកចេញទេ ទោះគ្រូបើកផ្លូវក៏ដោយ

អេស្ប៉ាញ៖ ​Eden Hazard ហាក់ពុំទទួលបានការទុកចិត្ដពីសំណាក់គ្រូបង្វឹក Carlos Ancelotti ទេ ដោយនៅក្នុងរដូវកាលនេះ លេងជាជម្រើសដំបូងបាន៥លើក និងត្រូវបានប្ដូរចូល ៥លើក។ ហើយថ្មីៗនេះ គ្រូបង្វឹកសញ្ជាតិអ៊ីតាលីក៏បាននិយាយថា ប្រសិនបើ ​ម្ចាស់អាវលេខ៧រូបនេះ ចង់ចាកចេញ លោកនឹងមិនឃាត់ទេ។

ពិតណាស់ ក្នុងរយៈពេលប៉ុន្មានសប្ដាហ៍មកនេះ ខ្សែប្រយុទ្ធស្លាបវ័យ ៣០ឆ្នាំរូបនេះ ត្រូវបានផ្សារភ្ជាប់ជាមួយនឹងការវិលត្រលប់ទៅកាន់ក្លិប Chelsea វិញ ឬផ្លាស់ទៅកាន់ក្លិប Newcastle United។

ទោះជាយ៉ាងណា មានរបាយការណ៍បង្ហាញថា Hazard មិនមានបំណងចាកចេញពីទឹកដី Bernabeu ទេ ផ្ទុយទៅវិញ រូបគេចង់ប៉ះប៉ូវ និងជាបង្ហាញគុណសម្បត្ដិរបស់ខ្លួននៅលើទឹកដីអេស្ប៉ាញ៕

ប្រភព៖​ sportsmole