ក្ដៅៗ! Manchester United បានបង្ហោះសារឆ្លើយតបនឹងកិច្ចសម្ភាសន៍របស់ Ronaldo ថា...

November 14, 2022

អង់គ្លេស៖ Manchester United បានចេញមុខមកបញ្ជាក់ថាក្លិបបានដឹងហើយពីកិច្ចសម្ភាសន៍របស់ ខ្សែប្រយុទ្ធ Cristiano Ronaldo ហើយក្លិបនឹងធ្វើការឆ្លើយតបពាក់ព័ន្ធនឹងបញ្ហានេះ។

កាលពីថ្ងៃទី១៣ខែវិច្ឆិកាកន្លងទៅនេះ លោក Piers Morgan បានទម្លាយកិច្ចសម្ភាសន៍ជាមួយ Ronaldo ដោយខ្សែប្រយុទ្ធសញ្ជាតិព័រទុយកាល់រូបនេះបាន និយាយថា Manchester United បានក្បត់គេ ហើយក្រៅពីលោក Erik Ten Hag គឺមានថ្នាក់ដឹកនាំរបស់ក្លិបពីរបីនាក់ទៀតដែលចង់ឃើញគេចាកចេញ។

ខ្សែប្រយុទ្ធ Cristiano Ronaldo និងលោក Piers Morgan

Manchester United បានបង្ហោះសារនៅក្នុងគេហទំព័រផ្លូវការថា៖

Manchester United បានជូនដំណឹងទៅដល់ផ្នែកប្រព័ន្ធផ្សព្វផ្សាយទាំងអស់ទាក់ទងនឹងការផ្ដល់កិច្ចសម្ភាសន៍របស់ Cristiano Ronaldo ។ក្លិប នឹងធ្វើការឆ្លើយតបនៅពេលបានពិនិត្យការពិតជាក់ស្ដែងទាំងអស់រួចរាល់។គោលដៅចម្បងរបស់ក្លិបគឺ រៀបចំសម្រាប់ការប្រកួតពាក់កណ្ដាលរដូវកាលដែលនៅសល់ ដោយបន្តឲ្យមានភាពជឿជាក់និងរួមគ្នាជាធ្លុងមួយរវាងកីឡាករ គ្រូបង្វឹក បុគ្គលិក និងមិត្តរួមក្រុម។
— ក្លិប Manchester United

ប្រភព៖ manutd

ដៃគូរសហការ One Football

អានបន្ថែម