ស៊ុតអេហ្វេអេមណាស់! Griezmann ដាក់ពីរគ្រាប់ ជួយបារាំងស្គាល់ជ័យជម្នះ ក្រោយស្មើ ២ប្រកួតជាប់គ្នា(មានវីដេអូ)

បរទេស៖ កាលពីរាត្រីថ្ងៃ អង្គារ៍ កន្លងងទៅត្រូវនឹងថ្ងៃទី ០៧ ខែ កញ្ញា ឆ្នាំ ២០២១ក្រុមម្ចាស់ផ្ទះជម្រើសជាតិ បារាំង បានបើកទ្វាកីឡដ្ឋាន Parc OlympiqueLyonnais របស់ខ្លួនទទួលស្វាគមន៍ក្រុមភ្ញៀវ ហ្វាំងឡង់នៅក្នុងវគ្គជម្រុះព្រឹត្តិការណ៍ World Cup ដើម្បីដណ្តើមកៅអីឡើងទៅជុំផ្តាច់ព្រ័ត្រ ដែលធ្វើឡើងនៅប្រទេស កាតា ឆ្នាំ២០២២។

ជាការពិតណាស់នៅក្នុងការប្រកួតនេះយើងឃើញថាក្រុមម្ចាស់ផ្ទះ បារាំង ពិតជាធ្វើបានល្អមែនទែន ដោយពួកគេបានលត់ក្រុមភ្ញៀវហ្វាំងឡង់ មិនឱ្យតដៃរួចក្នុងលទ្ធផល ២ ទល់នឹង ០, ខណៈពេលនេះ ក្រុមមាន់គកកំពុងកាន់កាប់តំណែងឈរនៅកំពូលតារាងនៃពូល D មាន១២ ពិន្ទុ ក្រោយឆ្លងកាត់៦ ប្រកួតឈ្នះ ៣ និង ស្មើ ៣, រីឯក្រុម ហ្វាំងឡង់ វិញឈរនៅចំណាត់ថ្នាក់ទី ៣ មាន ៥ពិន្ទុក្រោយឆ្លងកាត់ ៤ ប្រកួត ឈ្នះ ១ ស្មើរ ២ និង ចាញ់ ១។

គួរបញ្ជាក់ថា កាលពីយប់មិញខ្សែប្រយុទ្ធAntoine Griezmann ពិតជាធ្វើបានល្អមែនទែនដោយរូបគេរកបាន ២ គ្រាប់ម្នាក់ឯងឱ្យក្រុមជម្រើសជាតិ បារាំង, ពោលនៅនាទីទី ២៥ រូបគេបានស៊ុតគ្រាប់បាល់បើកឆាក១ គ្រាប់ ដោយការទាត់អេហ្វេពីលើដំបូលទូកបានយ៉ាងល្អ, ចំណែកឯគ្រាប់ចុងក្រោយ Griezmannដដែល បានស៊ុតបញ្ចូលទីមួយគ្រាប់ទៀតនៅនាទីទី ៥៣៕

សូមទស្សនាវីដេអូខាងក្រោម៖