គ្រូណា? Leicester City កំពុងចង់យកគ្រូនៅ PL រូបនេះមកដឹកនាំក្រុមជំនួស Rodgers

អង់គ្លេស៖ ក្លិប Leicester City ត្រូវបានគេរាយការណ៍ថាចង់យកលោក Thomas Frank មកដឹកនាំក្រុមបន្តពី Brendan Rodgers ។

ក្រុមកញ្ជ្រោង Leicester នារដូវកាលនេះកំពុងឈរនៅបាតតារាង Premier League បន្ទាប់ពីចាញ់៦ប្រកួតនិងស្មើ១ប្រកួត ដោយបរាជ័យចុងក្រោយគេគឺទល់នឹង Tottenham Hotspur ៦ ទល់នឹង២ ។

ដោយសារក្រុមកំពុងដុនដាបខ្លាំងទើបសារព័ត៌មាន The Telegraph បានចុះផ្សាយថាលោក Thomas Frank ដែលកំពុងដឹកនាំ Brentford គឺជាគោលដៅសំខាន់មួយរបស់ Leicester ខណៈដែលលោក  Rodgers អាចនឹងត្រូវបញ្ចប់តំណែងព្រមជាមួយកញ្ចប់ទឹកប្រាក់១០លានផោន(ស្មើនឹងប្រមាណ ១១.៣ លានដុល្លារ) ព្រោះកុងត្រារបស់លោកនៅសល់៤ឆ្នាំទៀតជាមួយក្លិប។

លោក Frank បានដឹកនាំឲ្យ Brentford ឈរនៅលេខរៀងទី៨ក្នុងតារាង Premier League ដោយឈ្នះ២ប្រកួត ស្មើ៣និងចាញ់១ប្រកួត៕

ប្រភព៖​ sportskeeda