ក្តៅៗ! Fabrizio Romano ថាខ្ញីចាស់ Juan Mata ជិតផ្ទេរទៅកាន់ក្រុមគីឡូ UCL មួយនេះហើយ

បរទេស៖ ក្រោយចាកចេញពី Manchester United នៅរដូវក្តៅនេះ ទីបំផុតខ្សែបម្រើប្រយុទ្ធ Juan Mata រកក្លិបថ្មីលេងបានហើយ ដោយរូបគេនឹងផ្លាស់ទៅចូលរួមជាមួយក្រុមខ្លាំងរបស់ តួកគីGalatasaray ដោយគ្មានតម្លៃខ្លួន។

យោងតាមការចុះផ្សាយរបស់អ្នកកាសែតអ៊ីតាលី លោក Fabrizio Romano បានឱ្យដឹងថា JuanMata នឹងចុះចតនៅទីក្រុង Istanbul នាប៉ុន្មានម៉ោងខាងមុខទៀត ដើម្បីបំពេញបែបបទការផ្ទេរមកកាន់ក្រុម Galatasaray, ក្នុងនោះប្រភពដដែលបានបន្ថែមថា ខ្សែបម្រើវ័យ ៣៤ ឆ្នាំបានព្រមព្រៀងលក្ខខណ្ឌ១ ឆ្នាំ ក្នុងការរួមរស់ជាមួយក្រុមជើងឯកលីគកំពូលតួកគីរដូវកាល ២០១៨-២០១៩៕