វីវរហើយ! ក្រៅពី Casemiro តារាឆ្នើមរបស់ Man UTD ២ រូបនេះក៏នឹងអវត្តមាននៅក្នុងជំនួបទល់ Arsenal យប់នេះដែរ

បរទេស៖ Manchester United នឹងមិនមានវត្តមានរបស់ Anthony Martial និង Diogo Dalot ក្នុងដំណើរទៅជួបក្រុមកំពូលតារាង Arsenal នៅទឹកដី Emirate Stadium យប់នេះទេ។

ជាការពិតណាស់ ក្រុមរបស់លោក Erik ten Hag កំពុងត្រូវការពិន្ទុជាចាំបាច់ ដើម្បីកាត់បន្ថយគម្លាតពិន្ទុរបស់ Arsenal ដែលកំពុងឈរនៅលើកំពូលតារាង, ស្របពេលដែល Man UTD បច្ចុប្បន្នកំពុងឈរនៅលេខរៀងទី ៤ តាមពីក្រោយក្រុមកាំភ្លើងធំចំនួន ៨ ពិន្ទុ។

ដោយឡែកនៅក្នុងការប្រកួតយប់នេះវិញ Man UTD នឹងមិនមានវត្តមានខ្សែបម្រើដ៏មានឥទ្ធិពល Casemiro នោះទេ ដោយសារតែរូបគេទទួលបានកាតលឿងទី ៥ នៅរដូវកាលនេះ ហើយបន្ថែមពីនេះទៀត Martial និង Dalot ក៏នឹងអវត្តមានផងដែរ ដោយសារតែពួកគេទាំង ២ មានបញ្ហារបួស។

គួរបញ្ជាក់ថា ជំនួបដ៏កក្រើករវាង Man UTD និង Arsenal នឹងធ្វើឡើងនៅថ្ងៃ អាទិត្យ ទី ២២ ខែ មករា យប់នេះ វេលាម៉ោង ១១:៣០ (ម៉ោងនៅកម្ពុជា)៕

ប្រភព៖​ Metro