បរទេស៖ លោក Rio Ferdinand បានធ្វើការស្តីបន្ទោសទៅកាន់កីឡាករAymeric Laporte និង RubenDias បន្ទាប់ពីក្រុម Manchester City របូតគ្រាប់បាល់ទី ១ ដោយការប្រកួតទើបតែចាប់ផ្តើមបាន ១០ នាទីប៉ុណ្ណោះ,ខណៈនៅក្នុងការប្រកួតនោះពួកគេបានរងបរាជ័យក្រោមថ្វីជើងក្រុម ParisSaint-Germain នៅទឹកដី Parc des Princesក្នុងលទ្ធផល ២ ទល់នឹង ០។<figure style="text-align:center"><img src="https://cms.dmpcdn.com/article/2021/09/29/896f01d0-20d1-11ec-8c4e-ebdbb9b1567d_original.jpg" alt="ទិដ្ឋភាពប្រកួត" style="width:100%"/><figcaption>ទិដ្ឋភាពប្រកួត</figcaption></figure>ក្រុមម្ចាស់ផ្ទះ PSG កាលពីយប់មិញពិតជាធ្វើបានល្អមែនទែន ដោយពួកគេអាចទម្លុះសំណាញ់ទីក្រុម ManCity បាន ២ គ្រាប់, ក្នុងនោះ គ្រាប់បាល់ដំបូងគឺកើតឡើងនៅនាទីទី៨ តាមរយៈការស៊ុតបញ្ចូលទីរបស់អតីតខ្សែបម្រើក្រុម Everton គឺកីឡាករ Idrissa Gueye, ហើយអ្វីដែលពិសេស, Messi ក៏អាចរកគ្រាប់បាល់ដំបូងរបស់ខ្លួននៅក្នុងការប្រកួតនោះផងដែរ ដោយគាត់បានប្រើបច្ចេកទេសស៊ុតពីលើដំបូលទូកយ៉ាងអស្ចារ្យនៅនាទីទី៧៤។<figure style="text-align:center"><img src="https://cms.dmpcdn.com/article/2021/09/29/89aa8430-20d1-11ec-8c4e-ebdbb9b1567d_original.jpg" alt="ទិដ្ឋភាពប្រកួត" style="width:100%"/><figcaption>ទិដ្ឋភាពប្រកួត</figcaption></figure>ទាក់ទងនឹងការបរាជ័យរបស់ ManCity យប់មិញ លោក Ferdinand ដែលជាអតីតវីរៈបុរសរបស់ក្រុមជម្រើសជាតិ អង់គ្លេស និង Man UTDបានដាក់បន្ទុកធ្ងន់ទៅលើខ្សែការពារ ២ រូបនោះគឺ Laporteនិង Dias ដោយលោកគិតថាការរបូតគ្រាប់បាល់របស់ក្រុមមេឃខៀវ គឺដោយសារពួកគេទាំងពីរសហការគ្នាមិនបានល្អរហូតធ្វើឱ្យក្រុមជើងឯក Premier League រងបរាជ័យនៅក្នុងការប្រកួតនោះ។<figure style="text-align:center"><img src="https://cms.dmpcdn.com/article/2021/08/24/171cc250-04c2-11ec-b24a-939af03f3f3c_original.jpg" alt="&amp;nbsp; លោក&amp;nbsp;Rio Ferdinand" style="width:100%"/><figcaption>&nbsp; លោក&nbsp;Rio Ferdinand</figcaption></figure>ថ្លែងប្រាប់ BT Sport លោក Ferdinand បានមានប្រសាសន៍យ៉ាងដូច្នេះថា៖<blockquote><aside>ប្រសិនបើអ្នកជា Dias អ្នកត្រូវតែស្រែកប្រាប់ Laporte, ប្រាប់គេឱ្យគេចេញមកក្រៅមក ហើយតាមបិត Mbappe ឱ្យបានរហ័សបំផុត។ព្រោះថានៅក្នុងប្រអប់ខាងក្រុមអាវសគឺមានសមាជិកគ្រប់គ្រាន់ហើយ ដូច្នេះអ្នកត្រូវតែចេះបត់បែនដើម្បីដោះស្រាយស្ថានការណ៍៕</aside><label>— &nbsp; លោក&nbsp;Rio Ferdinand</label></blockquote>ប្រភព៖​ <a href="https://metro.co.uk/2021/09/28/rio-ferdinand-slams-man-citys-ruben-dias-and-aymeric-laporte-during-psg-opener-15332373/">Metro</a><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

ត្រូវថ្មោងហើយ? Ferdinand បានស្តីបន្ទោសទៅកីឡាករ Man City ២រូបនេះ ដែលបង្កកំហុសធ្វើឱ្យរបូតគ្រាប់​បាល់