លាហើយហ្វេនៗ! Fabrizio Romano ថាកីឡាករ Man UTD ម្នាក់នេះជិតចាកចេញទៅ Sevilla ហើយ

អង់គ្លេស៖ អ្នកកាសែត Fabrizio Romano បានបង្ហើបឲ្យដឹងថា ខ្សែការពារ Alex Telles ជិតនឹងផ្ទេរទៅក្លិប Sevilla ក្នុងលក្ខខណ្ឌខ្ចីជើងហើយ។

Telles នៅសល់កុងត្រាចំនួន២ឆ្នាំទៀតស្នាក់នៅទឹកដី Old Trafford បន្ទាប់ពីផ្ទេរពី Porto មកកាន់ Man UTD កាលឆ្នាំ២០២០។

កីឡាករសញ្ជាតិប្រេស៊ីលរូបនេះមិនអាចឆក់យកតំណែងខ្សែការពារស្លាបឆ្វេងជាមួយ Luke Shaw បានទេ ដូច្នេះហើយទើបក្លិបបើកទ្វារឲ្យគេចាកចេញ។

កាលរដូវកាលដំបូងដែលផ្ទេរមក Telles រកបាន១គ្រាប់និងបញ្ជូនបាល់៤គ្រាប់ ក្នុងការបង្ហាញខ្លួន២៦ប្រកួតឲ្យបិសាចក្រហម។

សរុបមក Alex Telles បង្ហាញខ្លួនបាន៥០ប្រកួតនិងរកបាន១គ្រាប់និងបញ្ជូនបាល់៨គ្រាប់ឲ្យ Man UTD ៕

ប្រភព៖​ sportskeeda