ឆន្ទៈណាស់! Weghorst សន្យាបែបនេះចំពោះអ្នកគាំទ្រ ក្រោយគេជោគជ័យក្នុងការផ្លាស់មក Man UTD

January 14, 2023

អង់គ្លេស៖ ខ្សែប្រយុទ្ធចំណូលថ្មីក្លិប Manchester United កីឡាករ Wout Weghorst សន្យាថានឹងផ្តល់អ្វីៗគ្រប់យ៉ាងមកកាន់ក្លិប ក្រោយគេជោគជ័យក្នុងការផ្លាស់មកកាន់កីឡដ្ឋាន Old Trafford។

ជាការពិតណាស់ នាពេលថ្មីៗនេះ Man UTD បានប្រកាសជាផ្លូវការអំពីការនាំមក Weghorst មករួមក្រុមក្នុងលក្ខខណ្ឌខ្ចីជើងរហូតដល់ចប់រដូវកាលពី Besiktas ខណៈ សមីខ្លួនបានបញ្ជាក់ហើយថា ក្រុមបិសាចក្រហម គឺ ជាក្លិបក្នុងក្តីស្រមៃរបស់គេ។

Weghorst បាននិយាយថា៖

ខ្ញុំពិតជាមានកិត្តិយសណាស់ដែលបានចូលរួមជាមួយ Man UTD។ កាលពីមុនខ្ញុំធ្លាប់លេងទល់នឹងពួកគេ ដូច្នេះវាជាអារម្មណ៍ដ៏អស្ចារ្យណាស់ក្នុងការពាក់ឯកសណ្ឋានរបស់ក្លិប។ ទោះបីជាប៉ុន្មានខែខាងមុខនេះ មានរឿងអ្វីក៏ដោយ ខ្ញុំសន្យាថានឹងផ្តល់អ្វីៗគ្រប់យ៉ាងមកកាន់ក្លិប អំឡុងពេលមានវត្តមានខ្ញុំនៅទីនេះ៕
— កីឡាករ Wout Weghorst

ប្រភព៖ metro

ដៃគូរសហការ One Football

អានបន្ថែម