និយាយចឹងបានទៀត! លោក John Barnes ថាទោះមាន Ronaldo ក៏ Man UTD នៅតែជាក្រុមមិនខ្លាំងជាងមុន

September 6, 2021

អង់គ្លេស៖ អតីតកីឡាកររបស់ Liverpool គឺលោក John Barnes បាននិយាយថា ទោះក្លិបបិសាចក្រហម Manchester United បានទិញយក Cristiano Ronaldo ត្រឡប់មកវិញក៏ដោយក៏ក្លិបមួយនេះមិនមានឱកាសឈ្នះពាន Premier League ច្រើនជាងក្លិបដទៃនោះដែរ ។

Ronaldo ដែលធ្លាប់ចំណាយពេល៦រដូវកាលនៅទឹកដី Old Trafford បានទទួលការស្វាគមន៍យ៉ាងកក់ក្ដៅពីគ្រូបង្វឹក មិត្តរួមក្រុម និងអ្នកគាំទ្រ ដោយពួកគេសង្ឃឹមថាម្ចាស់ពាន ballon d'Or ៥សម័យរូបនេះនឹងធ្វើឲ្យក្រុមកាន់តែខ្លាំងរហូតស្រវាយកពាន Premier League នៅរដូវកាលនេះ។

យ៉ាងណាមិញ លោក John Barnes បានចេញមុខមកនិយាយថា៖

ចំពោះការគិតរបស់ខ្ញុំគឺវាល្អដែលគេត្រឡប់មកផ្ទះវិញ តែពិតណាស់ Ronaldo ដែលពួកគេទិញយកនេះមិនមែន Ronaldo ដែលធ្លាប់លេងនៅ Real Madrid ទេ។ ប៉ុន្តែការដែលមានគេត្រឡប់មកវិញក្នុងនាមជាកីឡាករល្អបំផុត គឺមើលទៅមិនមានអ្វីទាក់ទាញទេ។ ឥលូវនេះគេអាយុ៣៦ឆ្នាំហើយ និងមិនសូវរត់លឿនដូចមុនទេតែវាជាការផ្ទេរមួយដ៏ល្អ។ តើការទិញយកគេវាជះឥទ្ធិពលដល់កីឡាករក្នុងក្រុមយ៉ាងម៉េច? គឺកីឡាករបានចាកចេញរួចហើយនោះគឺ Dan James ហើយពួកយើងនឹងមិនសូវបានឃើញ Marcus Rashford ចូលលេងទេ។ តើនេះជារឿងដែលធ្វើឲ្យពួកគេក្លាយជាក្រុមមួយដ៏ល្អឬ? ពួកយើងមិនដឹងទេដូច្នេះយើងត្រូវរង់ចាំមើលសិន។ ខ្ញុំគិតថាក្រុមអាចចាយប្រាក់ខែដល់គេបាន ឲ្យតែគេលេងល្អដូចប្រាក់ខែដែលគេទទួលបានប៉ុន្តែខ្ញុំមិនគិតថាការមាន Ronaldo នឹងធ្វើឲ្យពួកគេ(Man United) ក្លាយជាក្រុមដែលមានឱកាសឈ្នះពាន Premier League ច្រើនជាងក្រុមដទៃដែរ។ ប៉ុន្តែការមានគេគឺធ្វើឲ្យអ្នកគាំទ្រសប្បាយចិត្ត។
— លោក John Barnes

ប្រភព៖ metro

អានបន្ថែម