ម៉េចអ៊ីចឹង? លោក Rothen ថា PSG មិនគួរផ្ដល់កុងត្រាថ្មីដល់ខ្សែប្រយុទ្ធរូបនេះទេ

February 7, 2023

បារាំង៖ លោក Jerome Rothen បាននិយាយថា ក្លិប Paris Saint-Germain មិនគួរផ្ដល់កុងត្រាថ្មីដល់ខ្សែប្រយុទ្ធ Lionel Messi នោះឡើយ ព្រោះគ្រាន់តែប្រាក់ឈ្នួលចាយលើគេម្នាក់ គឺអាចយកមកទិញកីឡាករថ្មីៗបានច្រើន។

ថ្មីៗនេះ អ្នកកាសែត Fabrizio Romano បានចុះផ្សាយថា PSG នឹងជជែកទាក់ទងនឹងការបន្តកុងត្រាថ្មីដល់ Messi បន្ទាប់ពីខ្សែប្រយុទ្ធសញ្ជាតិអាហ្សង់ទីនរូបនេះរួមរស់ជាមួយក្លិបបាន២រដូវកាលមក។

យ៉ាងណាមិញ លោក Rothen បានផ្ដល់យោបល់ថា៖

ការគ្រប់គ្រងកីឡាករទាំងបី (Messi,Neymar,Mbappe) គឺពិតជាស្មុគស្មាញ។បន្ទាប់ពីនោះគឺរឿងប្រាក់ឈ្នួល។ ហើយពួកយើងឃើញហើយថា PSG ត្រូវបានហាមឃាត់មិនឲ្យទិញកីឡាករមកបន្ថែមដោយសារច្បាប់ហិរញ្ញវត្ថុ ព្រោះប្រាក់ឈ្នួលកីឡាករច្រើនក្រាស់ក្រែលពេក។ អ្នកអាចមានឱកាសបានប្រាក់អស់នោះត្រឡប់មកវិញបើសិនមិនបន្តផ្ដល់ប្រាក់ឈ្នួលដល់ Messi ។ វានឹងធ្វើឲ្យអ្នកអាចពង្រឹងក្រុមនិងទិញកីឡាករថ្មីៗ។ សរុបមក វាជាគំនិតដ៏អាក្រក់ដែលត្រូវបន្តកុងត្រាដល់ Messi ។
— លោក Jerome Rothen

ប្រភព៖ sportskeeda

ដៃគូរសហការ One Football

អានបន្ថែម