លេងមែនទែន? Man UTD កំពុងចង់ចែចូវយកជម្រើសជាតិអាហ្សង់ទីនម្នាក់នេះ

អង់គ្លេស៖ ក្លិបបិសាចក្រហម Manchester United ចង់ទាក់ទងទិញយកខ្សែបម្រើ Leandro Paredes ពីក្លិប Paris Saint-Germain នេះបើយោងតាមការចុះផ្សាយរបស់ L'Equipe ។

ភាគីលោក Christophe Galtier ចង់លក់កីឡាករសញ្ជាតិអាហ្សង់ទីនរូបនេះក្នុងតម្លៃខ្ទង់ ៣៥លានអឺរ៉ូ(ស្មើនឹងប្រមាណ ៣៥.៥ លានដុល្លារ)ខណៈដែលខ្សែបម្រើរូបនេះបានរងរបួសច្រើននៅរដូវកាលមុនគឺបង្ហាញខ្លួនបានតែ ២២ប្រកួតប៉ុណ្ណោះនិងរកបាន១គ្រាប់ ព្រមទាំងបញ្ជូនបាល់បាន២គ្រាប់។

Paredes នៅសល់កុងត្រាស្នាក់នៅទឹកដី Parc des Princes ចំនួន២ឆ្នាំទៀត ប៉ុន្តែ PSG កំពុងស្វែងរកទីផ្សារសម្រាប់លក់គេចេញបណ្ដើរៗហើយ។

យ៉ាងណាមិញ ក្រៅពី Man UTD គឺ Juventus ក៏ចាប់អារម្មណ៍ចង់បាន Leandro Paredes ដែរ។

Manchester United ត្រូវបានគេរាយការណ៍នឹងមិនចាយលុយដល់ទៅ ៣៥លានសម្រាប់កីឡាកររូបនេះទេ តែអាចនឹងសុំឲ្យ PSG ចុះថ្លៃជាងនេះបន្តិច៕ 

ប្រភព៖​ sportskeeda