ប្រវត្តិសាស្រ្តហើយ! Messi បំបែកបានកំណត់ត្រា ១០នេះ ក្រោយជួយអាហ្សង់ទីនឈ្នះ World Cup យប់មិញ

អាហ្សង់ទីន៖ ខ្សែប្រយុទ្ធក្រុមជម្រើសជាតិអាហ្សង់ទីន កីឡាករ Lionel Messi ធ្វើបានកំណត់ត្រាពិសេសចំនួន ១០ទៀតហើយ ក្រោយរួមចំណែករកបាន២គ្រាប់ និង ជួយក្រុមឈ្នះពានរង្វាន់ World Cup កាលពីយប់មិញ។

ក្នុងនោះកំណត់ត្រាទាំង ១០នោះ រួមមានដូចតទៅ៖

1. Messi ក្លាយជាកីឡាករដំបូង​ក្នុងប្រវត្តិសាស្ត្រ​ World Cup ដែលអាចស៊ុតចូលគ្រប់វគ្គទាំងអស់៖​ វគ្គចែកពូល​ វគ្គ១៦​ក្រុម​ វគ្គ៨ក្រុម​ វគ្គ​ពាក់កណ្ដាល​ផ្ដាច់ព្រ័ត្រ​ និង​ វគ្គផ្តាច់ព្រ័ត្រ
2. Messi ជាកីឡាករទី១​ ដែលឈ្នះពានកីឡាករល្អបំផុត​ បាល់​មាស​ = ២​ ដង
3. Messi ជាកីឡាករដែលលេង World Cup ច្រើនបំផុត​ = ២៦​ ប្រកួត
4. Messi ចូលរួមរកចំណែកគ្រាប់បាល់​ (គ្រាប់បាល់​ + Assist) ច្រេីនបំផុត​ = ២១​ គ្រាប់
5. Messi ជាកីឡាករ​អាហ្សង់ទីន​ ស៊ុតចូលច្រើនបំផុតនៅ​ World Cup = ១៣​ គ្រាប់
6. Messi ឈ្នះពានកីឡាករល្អបំផុតប្រចាំការប្រកួត​ (Man of the Match) ច្រើនបំផុត = ១១​ ដង
7. Messi ឈ្នះពានកីឡាករល្អបំផុតប្រចាំការប្រកួត​ (Man of the Match) ច្រើនបំផុត ក្នុង​ ១​ World Cup = ៥​ ដង​ ក្នុង World Cup 2022
8. Messi ជាកីឡាករដែលមានវ័យ​ ក្មេង​ និងចាស់បំផុត​ ដែលអាចស៊ុតចូល​ និង​ Assist ក្នុង​ ១ប្រកួត​ World Cup
9. Messi ជាកីឡាករដែលរក​ Assist ច្រើនបំផុតនៅ​វគ្គចែកពូល​ = ៥​ Assist
10. Messi ជាកីឡាករទី១​ ដែល​ ស៊ុតចូល​ និង​ Assist ក្នុង​ ៤​ព្រឹត្តិការណ៍​ World Cup ផ្សេងគ្នា៕

ប្រភព៖​ metro