Fabrizio Romano ថា Arsenal បានដាក់សំណើ៦០លាន សុំទិញយក កីឡាករម្នាក់នេះ ជាផ្លូវការហើយ

អឺរ៉ុប៖ អ្នកកាសែត Fabrizio Romano បានចុះផ្សាយថា Arsenal បានដាក់សំណើ៦០លានផោន(ស្មើនឹងប្រមាណ ៧៤.២ លានដុល្លារ) ក្នុងការទិញយក Moises Caicedo ពីក្លិប Brighton។​

ភាគីលោក Mikel Arteta គ្រោងយក Caicedo ម្នាក់ទៀតបន្ទាប់ពីយកបាន Trossard និង Kiwior រួចមក។​

នេះមិនមែនជាលើកទីមួយទេដែល Arsenal ដាក់សំណើសម្រាប់ Caicedo ដោយកាលមុនបានដាក់សំណើ៥៥លានផោន(ស្មើនឹងប្រមាណ ៦៨ លានដុល្លារ) ម្ដងរួចមកហើយតែត្រូវ Brighton បដិសេធ។​

កាលពីយប់ថ្ងៃទី២៧ខែមករាកន្លងទៅនេះ Moises Caicedo ក៏បានប្រកាសជាផ្លូវការដែរថាខ្លួននឹងចាកចេញពីក្លិប Brighton ៕