លោក Boskamp ថា Ronaldo មិនបានផ្ទេរទៅ Al-Nassr ដោយសារចង់បានបទពិសោធន៍ថ្មីទេ គឺសម្លឹងឃើញផលប្រយោជន៍មួយនេះច្រើនជាង

January 10, 2023

អឺរ៉ុប៖ លោក Jan Boskamp បាននិយាយថា មូលហេតុដែល Cristiano Ronaldo ផ្លាស់ទៅ ក្លិប Al-Nassr នៅឯប្រទេសអារ៉ាប់ប៊ីសាអូឌីត គឺមិនមែនមកពីចង់បានបទពិសោធន៍ថ្មីទេ តែមកពីគេសម្លឹងឃើញប្រាក់ច្រើនជាង។

កាលពីដើមខែមករាឆ្នាំ២០២៣កន្លងទៅ Ronaldo បានបង្ហាញមុខក្នុងនាមជាកីឡាករថ្មីរបស់ Al-Nassr ដោយក្នុងនោះបានចុះកុងត្រាចំនួន២ឆ្នាំកន្លះ ហើយក្នុងមួយរដូវកាល រូបគេរកបាន ជិត២០០លានដុល្លារឯណោះ។

ក្នុងកម្មវិធីថ្លែងសន្និសីទគឺ Ronaldo បាននិយាយថារូបគេចង់ផ្លាស់ប្ដូរបទពិសោធន៍ថ្មី ដូច្នេះហើយទើបផ្ទេរមក Al-Nassr ប៉ុន្តែលោក Boskamp វិញបាននិយាយថា៖

ខ្ញុំមើលឃើញបែបនោះដោយសារធ្លាប់មានបទពិសោធន៍។ បើសិនជាពួកគេបោះលុយច្រើនសន្ធឹកដល់អ្នក អ៊ីចឹងអ្នកត្រូវតែឈរលើគោលជំហរខ្លួនឯងថាមិនទទួលយកទេ។ លុយអស់ទាំងនោះអាចធ្វើឲ្យចៅទួតឬចៅលួតរបស់អ្នកក្លាយជាមហាសេដ្ឋី។ គេអាចនិយាយបែននោះបានតែពិតណាស់ គឺវាគ្មានប្រយោជន៍ទាល់តែសោះ។ គេនៅតែជាកីឡាករមួយដ៏អស្ចារ្យ។ ការផ្ទេរនោះពុំបានផ្លាស់ប្ដូរត្រង់ចំណុចនេះឡើយ។
— លោក Jan Boskamp

ប្រភព៖ sportskeeda

ដៃគូរសហការ One Football

អានបន្ថែម