ម្ដងនេះគ្រូរាងកាច! Solskjaer ផ្ញើពាក្យប៉ុន្មានម៉ាត់ទៅកាន់កូនក្រុមដែលពូកែត្អូញត្អែររឿងមិនបានចូលលេងថា...

November 2, 2021

អង់គ្លេស៖ លោកគ្រូបង្វឹក Ole Gunnar Solskjaer បាននិយាយថាលោកមិនមានពេលខ្វល់ខ្វាយលើកីឡាករក្នុងក្រុម Manchester United ដែលពូកែត្អូញត្អែររឿងមិនបានចូលលេងនោះទេ ដោយលោកបានបង្ហើបថាទោះពួកគេមិនបាននៅលៀទីលានក៏ត្រូវតែជួយគាំទ្រក្រុម។

Solskjaer បានទុកខ្សែបម្រើ Donny van de Beek, Jadon Sancho ,Jesse Lingard និង Eric Bailly ជាដើមឲ្យអង្គុយកៅអីបម្រុងដោយកន្លងមក De Beek និង Bailly ធ្លាប់ចេញមុខនិយាយត្អូញត្អែរពីរឿងដែលគ្រូមិនដាក់ឲ្យចូលលេង។

ខ្សែការពារ Eric  Bailly និង Donny van de Beek — ខ្សែការពារ Eric Bailly និង Donny van de Beek

ខ្សែបម្រើ Jesse Lingard និង Jadon Sancho

ប៉ុន្តែលោក Solskjaer បានព្រមានទៅពួកគេវិញថាត្រូវតែគិតលើផលប្រយោជន៍ក្រុមជាធំ មិនមែនគិតតែលើខ្លួនឯងទេ។

លោកបានថ្លែងកំលុងបើកសន្និសីទមុនប្រកួតជាមួយ Atalanta ថា៖

ពួកយើងគ្មានពេលឲ្យគ្រប់គ្នាអង្គុយអន់ចិត្តទេ។ បើសិនអ្នកមិនបានជាប់ជម្រើស១១នាក់ដំបូងគឺអ្នកត្រូវគាំទ្រមិត្តរួមក្រុមឯទៀត។ មានកីឡាករខ្លះបង្ហាញកាយវិការបែបនេះទល់នឹងការប្រកួតជាមួយ Spurs ។ កីឡាករទាំងអស់ចង់លេង គ្មានអ្នកណាសប្បាយចិត្តដែលមិនបានចូលលេងទេតែអ្នកត្រូវគិតដល់ក្រុមមុនគិតដល់ខ្លួនឯង។ នៅពេលដែលមានកីឡាករឆ្នើមៗក្នុងក្រុម Man United ច្រើន វាជារឿងធម្មតាទេដែលកីឡាករមានសមត្ថភាពខ្លះមិនបានចូលលេង។ នេះវាជារឿងដែលតែងតែកើតឡើងនៅ Man United មានកីឡាករខ្លះក៏ជួបនឹងស្ថានភាពលំបាក នៅពេលពួកគេមិនបានចូលលេង ហើយពួកគេក៏បញ្ចេញចរិតពិតនៅពេលនោះហើយខ្ញុំពេញចិត្តចរិតកីឡាករភាគច្រើននៅក្នុងក្រុម។
— លោកគ្រូបង្វឹក Ole Gunnar Solskjaer

លោកគ្រូបង្វឹក Ole Gunnar Solskjaer — លោកគ្រូបង្វឹក Ole Gunnar Solskjaer

ប្រភព៖ metro

ដៃគូរសហការ One Football

អានបន្ថែម