កីឡាករ Ronaldo នឹងត្រូវខាតបង់ទឹកប្រាក់ដល់ទៅជាង ១០ លានដុល្លារ ពីការលក់ខុនដូដែលគាត់បានទិញពី Trump

អឺរ៉ុប៖ យោងតាមកាសែត The Post បានរាយការណ៍ថា Cristiano Ronaldo នឹងខាតបង់ប្រាក់ចំនួនយ៉ាងច្រើនសន្ធឹកសន្ធាប់ដល់ទៅ ១០,៧៥ លានដុល្លារលើខុនដូ New York City Trump Tower ។

តារាបាល់ទាត់ព័រទុយហ្កាល់វ័យ ៣៦ ឆ្នាំ ដំបូងបានទិញវាក្នុងឆ្នាំ ២០១៥ ក្នុងតម្លៃ ១៨.៥ លានដុល្លារ មុនពេលដែលលោកដូណាល់ត្រាំជាប់ឆ្នោតជាប្រធានាធិបតីសហរដ្ឋអាមេរិក។

ក្នុងឆ្នាំ ២០១៩ កន្លែងស្នាក់នៅទំហំ ២,៥១០ ហ្វីតការ៉េរបស់ Ronaldo បានធ្លាក់ថ្លៃតិចជាងពាក់កណ្តាលនៃអ្វីដែលគាត់បានទិញ ។ ប៉ុន្តែបើគ្មានការផ្តល់ជូនណាមួយទេ ហើយចំពេលដែលមានការរីករាលដាលនៃជំងឺ នោះអត្តពលិកត្រូវបានបង្ខំឱ្យបន្ទាបតម្លៃបន្ថែមទៀត ។ នៅថ្ងៃទី ១៩ ខែឧសភា តម្លៃផ្ទះនេះលើទីផ្សារត្រឹមតែ ៧,៧៥ លានដុល្លារប៉ុណ្ណោះ៕