ដឹងទេថា Arsene Wenger គិតថាក្រុមណាអាចឈ្នះ UEFA Euro ឆ្នាំនេះ?

June 12, 2021

បារាំងៈ បុរសមានភាពល្បីល្បាញក្នុងពិភពបាល់ទាត់លោក Arsene Wenger បានលើកទស្សនៈផ្ទាល់ខ្លួនដោយជឿជាក់ខ្ពស់ទៅលើក្រុមជម្រើសជាតិ ២ ក្នុងនោះក៏មានប្រទេសកំណើតរបស់គាត់ផងដែរពោលគឺ បារាំង ដែលអាចមានលទ្ធភាពខ្ពស់ប្រជែងតំណែងជើងឯកព្រឹត្តិការណ៍ពានរង្វាន់កំពូលកម្រិតទ្វីបអឺរ៉ុប។

យោងទៅតាមកិច្ចសម្ភាសន៍ជាមួយក្រុមសារព័ត៌មាន Sky Sport បុរសវ័យ ៧៤ ឆ្នាំ ខាងលើបានបកស្រាយដូចតទៅៈ

បារាំង មិនត្រឹមតែជាក្រុមខ្លាំងធម្មតានោះទេ ប៉ុន្តែស្ថានភាពបច្ចុប្បន្នខ្ញុំគិតថាគឺជាក្រុមដ៏ខ្លាំងបំផុត។ បារាំង សព្វថ្ងៃគឺមានក្រុមដែលធ្លាប់បានឈ្នះ FIFA World Cup កន្លងមកហើយ។ ខ្ញុំគិតថាពួកគេនឹងបន្តការអភិវឌ្ឍបន្ថែមទៀត ខណៈពេលនេះពួកគេនៅមានអាយុក្មេងៗ ភាគច្រើន។ ចំពោះគំនិតខ្ញុំមួយផ្នែកទៀត អង់គ្លេស គឺជាក្រុមដែលអាចប្រជែងនឹង បារាំង ។ ខ្ញុំជឿថាពួកគេមានសមត្ថភាពគ្រប់គ្រាន់ក្នុងការប្រជែងជាមួយបារាំង ដណ្តើមពាន UEFA Euro លើកនេះ។
— Arsene Wenger

បញ្ជាក់ផងថា ព្រឹត្តិការណ៍ UEFA Euro 2020 នឹងរៀបចំឡើងចាប់ពីថ្ងៃទី ១១ ខែមិថុនា ដល់ថ្ងៃទី ១១ ខែកក្កដា ឆ្នាំ ២០២១ នេះតទៅ។ ខណៈយប់មិញគូបើកឆាក ទួរគី បានចាញ់ អុីតាលី ក្នុងលទ្ធផល 0-3 ៕

ទាក់ទងជាមួយ:

ការងារ យុវវ័យ

អានបន្ថែម