<p><b>បរទេស៖ </b>លោក <b>Ludovic Giuly</b> ដែលជាអតីតមិត្តរួមក្រុមរបស់ <b>Lionel Messi </b>កាលនៅ Barcelona បាននិយាយថា កីឡាករសញ្ជាតិអាហ្សង់ទីនរូបនេះបានផ្លាស់ប្ដូរការលេងពីអ្នកស៊ុតបញ្ចូលទី មកជាអ្នកចាំបញ្ជូនបាល់ក៏ដោយសារមាន <b>Kylian Mbappe</b> ក្នុងក្រុម។</p><figure style="text-align:center"><img src="https://cms.dmpcdn.com/article/2022/04/20/029d8fb0-c080-11ec-8347-ad75e466100c_original.jpg" alt="ខ្សែប្រយុទ្ធ Kylian Mbappe និង Lionel Messi&amp;nbsp;" style="width:100%"/><figcaption>ខ្សែប្រយុទ្ធ Kylian Mbappe និង Lionel Messi&nbsp;</figcaption></figure><p>Messi ដែលជាម្ចាស់ Ballon d'Or ៧សម័យ បានចាកចេញពី Barcelona និងផ្ទេរមក Paris Saint-Germain កាលពីរដូវក្ដៅឆ្នាំមុន ប៉ុន្តែខ្សែប្រយុទ្ធរូបនេះពុំសូវរកគ្រាប់បាល់បាននោះឡើយគឺរកបាន៣គ្រាប់ ក្នុងការបង្ហាញខ្លួន២២ប្រកួតក្នុង Ligue 1 នារដូវកាលនេះ។</p><figure style="text-align:center"><img src="https://cms.dmpcdn.com/article/2022/04/20/02f329c0-c080-11ec-8347-ad75e466100c_original.jpg" alt="ខ្សែប្រយុទ្ធ Lionel Messi&amp;nbsp;" style="width:100%"/><figcaption>ខ្សែប្រយុទ្ធ Lionel Messi&nbsp;</figcaption></figure><p>ប៉ុន្តែបើគិតពីការបញ្ជូនបាល់វិញគឺ Messi បញ្ជូនបានដល់ទៅ១៣គ្រាប់បើគិតតែការប្រកួតនៅ Ligue 1 ដែលធ្វើឲ្យលោក Giuly គិតថាគេត្រូវប្ដូរតួនាទីពីអ្នកស៊ុតមកកាន់អ្នកចាំបញ្ជូនបាល់ក៏ដោយសារមាន Mbappe ។</p><figure style="text-align:center"><img src="https://cms.dmpcdn.com/article/2022/02/08/a85a6830-8893-11ec-b723-53d37b00438c_original.jpg" alt="ខ្សែប្រយុទ្ធ Kylian Mbappe និង Lionel Messi&amp;nbsp;" style="width:100%"/><figcaption>ខ្សែប្រយុទ្ធ Kylian Mbappe និង Lionel Messi&nbsp;</figcaption></figure><p>លោក Giuly បានថ្លែងថា៖</p><blockquote><aside>គេបានផ្លាស់ប្ដូរការប្រកួតរបស់ខ្លួនព្រោះគេគ្មានកាយសម្បទាដូចកាលពីមុនឡើយ។គេបានសម្របខ្លួននឹងការលេងជាមួយ Mbappe ដែលអាចរត់បាន២០០ម៉ាយ ក្នុងមួយម៉ោងនិងជាកីឡាករល្អបំផុតនៅ PSG ។ វាជាភាពវ័យឆ្លាតមួយដែលគេបានប្រាប់ទៅខ្លួនឯង ថាខ្ញុំមិនអាចរកបាន៣០គ្រាប់ដូចមុនទេ តែខ្ញុំអាចបញ្ជូនបាល់ ១៥ទៅ២០គ្រាប់ ធ្វើបែបនោះក៏ល្អម្យ៉ាងដែរ។ Leo ជាខ្សែប្រយុទ្ធ តំណែងលេខ១០ វាស្រេចលើគេដែលត្រូវចរចាស្វែងរកតំណែងលេងជាមួយគ្រូបង្វឹក។ គេមិនបាត់បង់សមត្ថភាពលេងបាល់ក្នុងរយៈពេលមួយយប់ទេ។ គេក៏រាងមិនសំណាងដែរនៅរដូវកាលនេះ។ Kylian បំពេញតួនាទីគេបានល្អ។ Messi ធ្លាប់ជាអ្នកបញ្ជូនបាល់ដែរនៅ Barcelona គ្រាន់តែមកនេះគឺគេរាងបញ្ជូនបាល់បានពេញជើងជាង។</aside><label>— <i>លោក&nbsp;Ludovic Giuly</i></label></blockquote><figure style="text-align:center"><img src="https://s9.kh1.co/ca/ca973644e0de8e6567402f1c889b20ce95d7598d.webp" alt="លោក Ludovic Giuly" style="width:100%"/><figcaption>លោក Ludovic Giuly</figcaption></figure><p><b>ប្រភព៖​</b> <a href="https://www.mirror.co.uk/sport/football/news/lionel-messi-kylian-mbappe-psg-26737183">mirror</a></p><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

ចឹងមែនអត់?លោក Giuly ថា Messi ប្ដូរមកធ្វើអ្នក Assist ច្រើនជាងអ្នកស៊ុតក៏ព្រោះមិត្តរួមក្រុមនៅ PSG ម្នាក់នេះ